Журналістка Кацярына Андрэева сустракае чарговы дзень народзінаў у зняволенні
Ніякіх перадач і віншаванняў ад няблізкіх сваякоў і звычайны працоўны дзень.
Муж палітзняволенай і журналісткі Кацярыны Андрэевай – палітычны аналітык Ігар Ільяш – распавёў, як адбываецца сустрэча дня народзінаў у беларускай калоніі:
– У гэты дзень як раз яе мусіць наведаць адвакат і перадаць віншаванне сваякоў. Цяжкі эмацыйны момант для Кацярыны і для блізкіх, бо канешне мы ніяк не разлічвалі, што гэты дзень народзінаў яна будзе зноў сустракаць за кратамі. Яна знаходзіцца ў гомельскай жаночай калоніі, яна была пераведзена туды на пачатку кастрычніка. Пералік асобаў датычных да экстрэмісцкай дзейнасці, Кацярына як раз нядаўна туды была ўнесена. То бок не адным не па другім пункце яна ўжо проста не можа трапіць пад амністыю.
Па стане на 1-га лістапада ў Беларусі налічваецца 1 351 палітзняволеных асобаў. Патрабаванне ад рэжыму Беларусі іх вызвалення з’яўляецца ключавым у павестцы беларускіх апазіцыі і дыяспар па ўсім свеце, а таксама міжнародных арганізацый, у тым ліку ААН.
Беларускае Радыё Рацыя
Artykuł Журналістка Кацярына Андрэева сустракае чарговы дзень народзінаў у зняволенні pochodzi z serwisu БЕЛАРУСКАЕ РАДЫЁ РАЦЫЯ.