Бензема з-за траўмы прапусціць мундыяль
З-за пашкоджання мышцы Бензема вымушаны быў пакінуць трэніроўку ў суботу
Artykuł Бензема з-за траўмы прапусціць мундыяль pochodzi z serwisu БЕЛАРУСКАЕ РАДЫЁ РАЦЫЯ.
Нападнік зборнай Францыі і мадрыдскага „Рэала” Карым Бензема прапусціць з-за траўмы чэмпіянат свету па футболе.
З-за пашкоджання мышцы Бензема вымушаны быў пакінуць трэніроўку ў суботу. Яго месца ў камандзе зойме іншы футбаліст. Гэта трэцяя страта зборнай Францыі. Раней стала вядома, што на чэмпіянаце свету ў складзе зборнай каманды не змогуць выступіць з-за траўмаў Поль Пагба і Нгола Кантэ. Зборная Францыі згуляе ў групе D супраць каманд Аўстраліі, Даніі і Туніса.
Футбалісты Беларусі завяршылі сезон паразай ад каманды Амана
Футбалісты нацыянальнай зборнай Беларусі пацярпелі паразу ў заключным матчы сезона. У Аль-Айне беларусы прайгралі ў таварыскім матчы камандзе Амана 0:2. Гульня праходзіла ў невысокім тэмпе амаль без галявых момантаў. Толькі напрыканцы другога тайма аманская каманда на працягу трох хвілін двойчы забіла Сяргею Ігнатовічу. Гэта быў другі матч гэтых супернікаў – у лістападзе 2010 года беларусы разграмілі аманцаў з буйным лікам 4:0.
„Макслайн” ўпершыню выйшаў ў вышэйшую лігу
Футбалісты рагачоўскага клуба „Макслайн” упершыню выйшлі ў вышэйшую лігу чэмпіянату Беларусі. У другім пераходным паядынку за права выступаць у вышэйшай лізе нацыянальнага першынства падначаленыя Юрыя Пунтуса абыгралі на хатняй арэне дзяржынскі „Арсенал” з лікам 3:1. У першай гульні мацнейшымі былі дзяржынцы – 3:2. У мінулым чэмпіянаце Беларусі „Арсенал” заняў 14-е месца ў элітным дывізіёне, а „Макслайн” фінішаваў на 4-й пазіцыі ў першай лізе.
Футбольны клуб „Арсенал” з Дзяржынска спыняе сваё існаванне. Пра гэта пасля гульні заявіў кіраўнік каманды Аляксей Меляшкевіч.
„Мінск” прайграў „Лакаматыву-Кубані” ў Адзінай лізе ВТБ
Баскетбалісты „Мінска” пацярпелі дзясятую паразу ў дзесяці гульнях Адзінай лігі ВТБ. На пляцоўцы „Мінск-Арэны” падначаленыя Расціслава Вергуна прайгралі краснадарскаму клубу „Лакаматыў-Кубань” з лікам 70:92. Свой наступны матч мінчане правядуць 24 лістапада ў Краснаярску супраць мясцовага „Енісея”, які мае дзве перамогі ў 11 гульнях.
Гарадзенскі „Камунальнік” абыграў „Камунальнік” з Магілёва
Гарадзенскі „Камунальнік” перамог „Камунальнік” з Магілёва 3:1 у матчы жаночага чэмпіянату краіны па валейболе – 3:1. У абедзвюх каманд па сем ачкоў, магіляўчанкі ідуць другімі ў табліцы, дзяўчаты з Гародні — чацвёртымі.
Нарвежкі перамаглі датчанак і абаранілі тытул чэмпіёнак Еўропы
Жаночая зборная Нарвегіі перамагла каманду Даніі ў фінале жаночага чэмпіянату Еўропыі па гандболе – 27:25. Восем мячоў закінула лідар нарвежак Нура Мерк. Нарвежкі саступалі з пачатку матча, да сярэдзіны першага тайма датчанкі вырваліся наперад на пяць мячоў і пайшлі на перапынак з перавагай „+3”. Толькі да 53-й хвіліны камандзе Тарыра Хергейрсана ўдалося павесці ў ліку, пасля чаго дзейныя чэмпіёнкі Еўропы давялі сустрэчу да перамогі. Зборная Нарвегіі раней выйграла золата чэмпіянату Еўропы-2020 і чэмпіянату свету-2021. Для каманды гэта дзявятая вікторыя на EURO у гісторыі.
Джокавіч шосты раз выйграў выніковы турнір АТР
Серб Новак Джокавіч стаў пераможцам выніковага турніру Асацыяцыі тэнісістаў-прафесіяналаў (АТР), які завяршыўся ў італьянскім Турыне.
У фінальным паядынку адзіночнага разраду Джокавіч за паўтары гадзіны абыграў у двух сэтах нарвежскага тэнісіста Каспера Руда – 7:5, 6:3. Новак Джокавіч у Турыне святкаваў перамогі ва ўсіх пяці паядынках і шосты раз у кар’еры выйграў выніковы турнір АТР.
Беларускае Радыё Рацыя
Artykuł Бензема з-за траўмы прапусціць мундыяль pochodzi z serwisu БЕЛАРУСКАЕ РАДЫЁ РАЦЫЯ.