Сяргей Бесараб: Новая Беларусь можа лёгка стаць высокатэхналагічнай краінай
"Госць Рацыі" хімік-навуковец Сяргей Бесараб.
Artykuł Сяргей Бесараб: Новая Беларусь можа лёгка стаць высокатэхналагічнай краінай pochodzi z serwisu БЕЛАРУСКАЕ РАДЫЁ РАЦЫЯ.
У 2020 годзе хімік-навуковец Сяргей Бесараб сваім даследаваннем даказаў нікчэмнасць выстаўленага абвінавачвання актывісту пратэстаў Сцяпану Латыпаву ў спробе атруціць супрацоўнікаў міліцыі, – і быў звольнены з Акадэміі навук Беларусі. Сёлета Сяргей Бесараб прааналізаваў афіцыйны спіс асоб, датычных да экстрэмісцкай дзейнасці ў Беларусі, і зрабіў графікі, якія шырока разышліся і карыстаюцца папулярнасцю ў інтэрнэце.
![](https://www.racyja.com/wp-content/uploads/2022/11/2022-11-22_volha_siamashka_hosc_racyj_biesarab_foty-1.jpg)
Вольга Сямашка пагутарыла з хімікам Сяргеям Бесарабам пра тое, ці маюцца падабенствы ў хімічных працэсах і пратэсных рухах, для чаго КДБ зладзіла аблаву ў Акадэміі навук, ці гатова Беларусь да ядзерных катастроф і якія перспектывы ў беларускай хіміі як навукі зараз:
– Я сам сябе называю навукова-тэхнічны журналіст, хтосьці скажа, што навуковы камунікатар. Гэта штосьці такое на мяжы. Я фактычна з’яўляюся мастом паміж дакладнай акадэмічнай навукай і людзьмі, якія цікавяцца гэтым. Некалі быў такі часопіс „Навука і жыццё”, гэта не для дзяцей, не для тых, хто дрэнна вучыўся ў школе, гэта дастаткова высокі ўзровень. У Беларусі я амаль невядомы, чамусьці многія лічылі, што я расейскі навуковец, нават пісалі расейскі навуковец. Таму я напісаў у сваім тэлеграм-канале, што я беларускі навуковец, беларускі хімік, бо ўсе лічылі, што расейскі.
РР: Цікава чаму так здарылася?
– Па-першае, асноўны мой блог, з якога ўсё гэта пачалося, гэта расейскі „Хабр”, дзе айцішнікі – беларусы, украінцы, расейцы, казахі. Лепшыя артыкулы былі напісаныя на „Хабр”. Я пачаў пісаць, што я беларус, што я ганаруся гэтым і заўсёды аддзяляю.
РР: Раскажыце пра вашу спецыялізацыю. ЦІ ёсць у вас вынаходніцтвы?
– Напэўна каля дзясятка патэнтаў, у мяне ж спецыялізацыя калоідная хімія паверхні. Як яе называюць – гэта хімія інтэрфейсаў. Мне прыходзіцца ўвесь час працаваць у нейкіх дысцыплінарных праектах, дзе фізіка, біялогія, медыцына, матэматыка і хімія. Таму я вельмі шчыльна ў свой час працаваў з ПВТ, з нашымі айцішнікамі, шмат чаго рабілі. Само жыццё прымушае ўзаемадзейнічаць з іншымі галінамі. Хапае распрацовак запатэнтаваных, незапатэнтаваных.
З „Госцем Рацыі” – хімікам-навукоўцам Сяргеям Бесарабам, размаўляла Вольга Сямашка.
Беларускае Радыё Рацыя
Artykuł Сяргей Бесараб: Новая Беларусь можа лёгка стаць высокатэхналагічнай краінай pochodzi z serwisu БЕЛАРУСКАЕ РАДЫЁ РАЦЫЯ.