Зборная Швейцарыі абыграла Камерун на чэмпіянаце свету
Адзіны мяч у браму афрыканскай зборнай на 48-й хвіліне сустрэчы забіў нападнік швейцарцаў Брыль Эмбало.
Artykuł Зборная Швейцарыі абыграла Камерун на чэмпіянаце свету pochodzi z serwisu БЕЛАРУСКАЕ РАДЫЁ РАЦЫЯ.
На чэмпіянаце свету па футболе ў Катары працягваецца стартавы тур групавога этапа. У першым матчы гульнявой праграмы дня Швейцарыя абыграла камерунцаў 1:0.
Адзіны мяч у браму афрыканскай зборнай на 48-й хвіліне сустрэчы забіў нападнік швейцарцаў Брыль Эмбало, які нарадзіўся якраз у Камеруне. Дзве іншыя каманды групы G – Бразілія і Сербія – пачнуць вочны матч у 22.00. Гэтым паядынкам завершыцца першы тур папярэдняга этапа. Акрамя таго, зараз у групе Н праходзіць матч паміж зборнымі Уругвая і Рэспублікі Карэя, а таксама у 19 гадзін па беларускім часе пачнецца матч паміж футбалістамі Партугаліі і Ганы.
Хары Кейн прыме ўдзел у матчы з ЗША
Трэнер зборнай Англіі Гарэт Саўтгейт пацвердзіў, што капітан каманды Хары Кейн адновіцца да сустрэчы з ЗША ў пятнічным матчы Чэмпіяната свету. У паядынку супраць зборнай Ірана, які ангельцы выйгралі 6:2, лідар брытанцаў няўдала прызямліўся на шчыкалатку і быў заменены на 76-й хвіліне. Аднак Саўтгейт паведаміў, што медыцынскія тэсты не выявілі сур’ёзнай праблемы і што ў сераду Кейн вярнуўся да трэніровак.
ФІФА не стане караць зборную Германіі за акцыю ў падтрымку ЛГБТ
Гульцы зборнай Германіі не пакараюць ФІФА пасля таго, як арганізавалі акцыю ў падтрымку ЛГБТ перад матчам групавога этапу чэмпіянату свету супраць Японіі, прайграным з лікам 1:2. Футбалісты дэманстратыўна закрылі далонямі раты, што стала рэакцыяй на забарону для капітанаў зборных Чэмпіянатаў свету выходзіць на гульні з вясёлкавай павязкай OneLove. Пакуль невядома, ці збіраюцца гульцы зборных Англіі і Ўэльса скапіяваць жэст немцаў перад пятнічнай сустрэчай. Выканаўчы дырэктар Футбольнай асацыяцыі Валіі Ноэл Муні, напрыклад, заявіў, што ён і яго калегі „ў лютасці” ад паводзінаў ФІФА. Нагадаю, прадстаўнікам каманд Англіі і Уэльса толькі за некалькі гадзін да іх першых матчаў на мундыялі сказалі, што зборныя сутыкнуцца са спартовымі санкцыямі, калі капітаны Хары Кейн і Гарэт Бэйл выйдуць на газон з павязкамі вясёлкавага колеру.
Беларусы прабіліся ў элітны раунд кваліфікацыі юнацкага Чэмпіяната Еўропы па футболе
Футбалісты юнацкай зборнай Беларусі выйшлі ў элітны раунд адборавага турніру чэмпіянату Еўропы. У кастрычніку ў Нарвегіі падначаленыя Аляксандра Юрэвіча разграмілі равеснікаў з Арменіі 5:2, згулялі ўнічыю з ірландцамі 2:2 і саступілі гаспадарам спаборніцтваў нарвежцам 0:4. Набраўшы 4 ачкі, беларусы фінішавалі трэцімі ўслед за Нарвегіяй і Ірландыяй і пасля заканчэння спаборніцтваў у астатніх групах увайшлі ў квартэт каманд, якія працягнуць барацьбу за пуцёўкі ў фінальную стадыю юнацкага першынства Старога Свету.
Гарбуноў выведзены са спісу траўмаваных
26-гадовы расейскі нападнік Раман Гарбуноў, які выступае за менскае „Дынама”, хутчэй за ўсё, зможа прыняць удзел у найбліжэйшым матчы рэгулярнага чэмпіянату КХЛ. Ён адбудзецца сёння на „Мінск-Арэне” супраць дынамаўцаў Масквы. Гарбуноў ужо трэніраваўся на лёдзе падчас ранішняй раскаткі, пра што паведаміў галоўны трэнер „зуброў” Крэйг Вудкрафт. Апошні раз Раман гуляў у матчы „рэгуляркі” 11 лістапада, калі беларуская каманда прымала яраслаўскі „Лакаматыў”.
Зараз у спісе траўмаваных „Дынама” застаецца толькі канадскі нападаючы Брэндан Козун.
Беларускае Радыё Рацыя
Artykuł Зборная Швейцарыі абыграла Камерун на чэмпіянаце свету pochodzi z serwisu БЕЛАРУСКАЕ РАДЫЁ РАЦЫЯ.