У Беластоку з’явілася каталіцкая імша па-беларуску
Адпраўляць яе будзе ксёндз Гжэгаж Балеста, які да гэтага 7 гадоў меў служэнне ў Беларусі.
Artykuł У Беластоку з’явілася каталіцкая імша па-беларуску pochodzi z serwisu БЕЛАРУСКАЕ РАДЫЁ РАЦЫЯ.
У Беластоку з’явілася імша для рыма-каталікоў па-беларуску. Набажэнствы адбываюцца ў касцёле Маці Божай Гвадэлупскай. Яны сталі магчымымі дзякуючы намаганням, просьбам і зваротам у Беластоцкую архідыяцэзію вернікаў рыма-каталіцкага касцёла, якія пераехалі сюды з Беларусі.
Гаворыць адна з ініцыятарак правядзення беларускамоўных службаў для каталікоў Беластока:
– Гэта штосьці дарагое, што прыпамінае нам, хто мы, адкуль мы сюды прыехалі, што мы беларусы, што ў нас ёсць свая беларуская мова. І мы вельмі ўдзячныя, што нам дазваляюць маліцца на сваёй роднай мове, хоць мы тут меншасць, але жыхары Польшчы. Ласкава прымаюць нашу волю і шукаюць магчымасці, каб мы маглі тут маліцца на сваёй мове. Гэта наша культура беларуская таксама.
Імшы па-беларуску ўжо праходзяць у касцёлах Варшавы, Кракава, Познані, Гданьску, Лодзі. Цяпер і ў Беластоку ў касцёле Маці Божай Гвадэлупскай па адрасе вуліца Вроцлаўская 8. Адпраўляць яе будзе ксёндз Гжэгаж Балеста, які да гэтага 7 гадоў меў служэнне ў Беларусі.
Цалкам матэрыял слухайце ў далучаным файле:
Беларускае Радыё Рацыя
Artykuł У Беластоку з’явілася каталіцкая імша па-беларуску pochodzi z serwisu БЕЛАРУСКАЕ РАДЫЁ РАЦЫЯ.