Дарафей Фіёнік: Беларусы жылі тут спакон вякоў
"Госць Рацыі" Дарафей Фіёнік – стваральнік "Музея Малой Бацькаўшчыгы ў Студзіводах".
Artykuł Дарафей Фіёнік: Беларусы жылі тут спакон вякоў pochodzi z serwisu БЕЛАРУСКАЕ РАДЫЁ РАЦЫЯ.
„Музей Малой Бацькаўшчыны ў Студзіводах” правёў цікавы і насычаны культурнымі падзеямі год. Гэта і традыцыйныя фестывалі, і музычныя выступы, і выдавецкая дзейнасць.
Пра гэта з „Госцем Рацыі” Дарафеем Фіёнікам паразмаўляла Яна Запольская:
– Раней мы шмат энергіі паклалі на аднаўленне кантактаў паміж Падляшшам і Палессем і шырэй. Цяпер тая вялікая энергія ўкладзеная ў культуру і кантакты вяртаецца. Частка тых людзей, з якімі рэалізоўвалі розныя цікавыя праекты да часоў пандэміі, бо гэта такі парог гісторыі, бо за эпідэміямі ідуць войны. Так у гісторыі было і так яно ёсць. Частка тых асоб, з якімі мы рабілі штосьці цікавае ў Кобрыне, Пінску, Берасці ці Менску, апынулася тут. Некаторым з іх удалося дапамагчы ўладкавацца. Хтосьці мяне запытаў ці маем мы нейкія кантакты з палітычнымі ўцекачамі, ці робім штосьці супольнае. Я адказаў не, мы і раней не мелі ніякіх кантактаў з людзьмі палітыкі з Беларусі, мы мелі кантакты толькі з людзьмі культуры – афіцыйнай і неафіцыйнай. Далей працягваем утрымліваць тыя ж кантакты з культурніцкімі ўцекачамі, а не палітычнымі. Мы больш засяродзіліся на нашым падляшскім падворку. З-за таго, што ў нас такі профіль дзейнасці, які накіраваны на малую падляшскую бацькаўшчыну, таму для нас склаўшаяся сітуацыя нічога не мяняе. Мы тут і найважнейшае – гэта захаванне нашай тоеснасці на гэтай зямлі. Будзем дакументаваць, публікаваць, вучыць маладое пакаленне і гэтым працягваць нашую бытнасць на гэтай зямлі. Таксама хочам усведамляць тым асобам з Беларусі, якія апынуліся на нашым Падляшшы, што тут беларусы жылі спакон вякоў. Свядомасць гэтага на Беларусі была і застаецца амаль нулявая. Гэта не памяняецца нават, калі чалавек будзе жыць у Беластоку дзесяць гадоў, ён і так будзе ставіцца да нас тутэйшых беларусаў, як да палякаў. Ты можаш станавіцца на галаву, хадзіць на руках па вуліцы з надпісам „Я беларус”, але ён і так не паверыць, што жывучы ў Польшчы з продкамі беларусамі лічыш сябе беларусам. Для людзей з Гародні ці Менску мы палякі.
Дарафей Фіёнік пры гэтым падкрэслівае, што „Музей Малой Бацькаўшчыны ў Студзіводах” адкрыты для ўсіх наведвальнікаў.
Беларускае Радыё Рацыя
Artykuł Дарафей Фіёнік: Беларусы жылі тут спакон вякоў pochodzi z serwisu БЕЛАРУСКАЕ РАДЫЁ РАЦЫЯ.