Праз Вроцлаў праехала паўтысячы Санта-Клаўсаў на матацыклах
Пасля акцыі матацыклісты і аўтааматары падаравалі выхаванцам дзіцячых дамоў падарункі, якія малыя прасілі ў лістах да Санты.
Artykuł Праз Вроцлаў праехала паўтысячы Санта-Клаўсаў на матацыклах pochodzi z serwisu БЕЛАРУСКАЕ РАДЫЁ РАЦЫЯ.
Паўтысячы матацыклістаў у касцюмах Санта-Клаўса праехалі ў нядзелю 4 снежня вуліцамі Вроцлава ў рамах сваёй трасы па Польшчы Moto Mikołaje 2022.
Хоць зімовае надвор’е звычайна азначае для матацыклістаў канец сезону, сёння 4 снежня ва Вроцлаве было сонечна, а тэмпература паднялася да 7 градусаў вышэй за нуль.
Moto Mikołaje – гэта спантанныя акцыі матацыклістаў з усёй Польшчы, якія праводзяцца штогод. Галоўная задача байкераў – дапамога дзецям, асабліва тым, якія не могуць разлічваць на падарунак ад родных.
Пасля акцыі матацыклісты і аўтааматары падаравалі выхаванцам дзіцячых дамоў падарункі, якія малыя прасілі ў лістах да Санты. На плошчы Вольнасці, дзе скончыўся маршрут матацыклістаў, было шмат атракцыёнаў. Далучыцца да акцыі мог любы матацыкліст ці ўладальнік гістарычнага аўтамабіля.
Канстанцін Ахроменка, Беларускае Радыё Рацыя
Artykuł Праз Вроцлаў праехала паўтысячы Санта-Клаўсаў на матацыклах pochodzi z serwisu БЕЛАРУСКАЕ РАДЫЁ РАЦЫЯ.