У Варшаве прэзентавалі кнігу пра Святлану Ціханоўскую
У музеі „Полін” у Варшаве адбылася прэзентацыя кнігі Руслана Шошына „Lodołamaczka. Swiatłana Cichanowska”.
На прэзентацыі прысутнічала сама Святлана Ціханоўская, якая адказала на пытанні:
– Ніякі моцны бок ніводнага чалавека не зможа быць раскрыты, калі каля яго няма людзей. Толькі тады, калі я бачыла, што людзі вакол мяне такія ж натхнёныя, у іх такая ж мэта, як і ў мяне, то гэта магчыма надавала моцы рухацца наперад.
Нам пытанне карэспандэнта „Радыё Рацыя”, ці хочацца надалей займацца толькі кухняй, ці застацца на палітычным полі, Святлана Ціханоўская сказала, што яна стамілася, але павінна выканаць свае абяцанні народу:
– Пакуль мы не пераможам, колькі хопіць моцы, я буду побач са сваімі роднымі і сябрамі, з беларусамі.
Паводле аўтара кнігі Руслана Шошына, кніга не толькі пра Святлану, а пра сітуацыю ў Беларусі, пра тое чаму? І што рабіць далей? Жадаючым Святлана Ціханоўская падпісала набытыя кнігі.
Беларускае Радыё Рацыя
Artykuł У Варшаве прэзентавалі кнігу пра Святлану Ціханоўскую pochodzi z serwisu БЕЛАРУСКАЕ РАДЫЁ РАЦЫЯ.