Аргенціна – Харватыя: сёння вызначыцца першы фіналіст чэмпіянату

Многія чакалі ўбачыць аргенцінцаў у паўфінале, асабліва фанаты Ліянэля Месі, для якога чэмпіянат свету  становіцца рэальным шанцам узняць галоўны трафей над сваёй галавой.

Artykuł Аргенціна – Харватыя: сёння вызначыцца першы фіналіст чэмпіянату pochodzi z serwisu БЕЛАРУСКАЕ РАДЫЁ РАЦЫЯ.

Сёння зборная Аргенціны сустрэнецца са зборнай Харватыі ў паўфінале чэмпіяната свету па футболе. Многія чакалі ўбачыць аргенцінцаў у паўфінале, асабліва фанаты Ліянэля Месі, для якога чэмпіянат свету  становіцца рэальным шанцам узняць галоўны трафей над сваёй галавой. Свой шлях амерыканская зборная пачала з неверагодна сенсацыйнай паразы ад Саудаўскай Аравіі 1:2, але пасля гэтага падначаленыя Ліянэля Скалоні сталі набіраць абароты. З групы выйшлі з першага месца, абыграўшы 2:0 і Мексіку, і Польшчу. У 1/8 выбілі Аўстралію, а вось чвэрцьфінал прайшлі на тоненькага, ледзь не прайграўшы Нідэрландам з 2:0, і прайшоўшы далей толькі па серыі пенальці.

Харвацкая зборная паказвала куды менш цікавую гульню па ходу турніра, але затое таксама працаздольную. Каманда Златка Даліча выйшла з групы з другога радка саступіўшы першае месца мараканцам. У вынікуў 1/8 яны трапілі на Японію, якая прынесла нямала цяжкасцяў. Харваты не пакінулі сваю любоў да серый пенальці, так што «краіну ўзыходзячага сонца» яны перамаглі менавіта ў ёй, папярэдне зраўняўшы лік да 1:1. У чвэрцьфінале таксама завяршылі матч нічыёй, аднак тут супернік быў у разы мацнейшы. Лівакавіч не дазволіў бразільцам выйграць у асноўны час, ён жа і выйграў гульню ў серыі пасляматчавых 11-метровых. Харвацкая казка можа зноў давесці іх да фіналу, як і на мінулым чэмпіянаце. Адна амерыканская зборная ўжо спатыкнулася аб „шашачных”, другая павінна зрабіць высновы і выйсці ў фінал. Пачатак гульні ў 22 гадзіны па беларускім часе.

Стан здароўя Пеле палепшылася

Стан здароўя легендарнага бразільскага футбаліста Пеле палепшыўся. Аднак лекары ўстрымліваюцца ад прагнозаў. Пра гэта паведамілі ў шпіталі імя Альберта Эйнштэйна ў Сан-Паўлу, дзе Кароль футбола праходзіць лячэнне. „Стан Пеле прагрэсіруе, у прыватнасці, паляпшаецца яго агульны стан, асабліва гэта датычыць рэспіраторнай інфекцыі. Прагнозаў па выпісцы пацыента няма”, — паведамляе Globo.

29 лістапада Пеле быў шпіталізаваны. З’яўлялася інфармацыя, што 82-гадовы легендарны бразільскі футбаліст не рэагуе на хіміятэрапію і яму аказваецца паліятыўная дапамога, прызначаная для палягчэння болю апошніх дзён чалавека. Сам бразілец выступіў з заявай, каб супакоіць заўзятараў.  Лекары паведамілі, што яго стан стабілізаваўся.

Мудрык – прыярытэтная мэта лонданскага „Арсенала” ў зімовае трансфернае акно

Вінгер данецкага „Шахцёра” Міхаіл Мудрык можа ў бліжэйшы час перайсці ў лонданскі „Арсенал”. 21-гадовы футбаліст з’яўляецца прыярытэтнай мэтай лонданскага клуба на зімовае трансфернае акно, паведамляе The Athletic. „Кананіры” рашуча настроены падпісаць украінца, але трансфер яшчэ не быў узгоднены. У 12 матчах чэмпіянату Украіны Мудрык забіў сем галоў і аддаў сем выніковых перадач.

Дырэктар «Смаргоні» распавёў пра узмацненне перад вышэйшай лігай

Дырэктар «Смаргоні» Павел Люцько падзяліўся меркаваннем пра кадравую сітуацыю ў камандзе. Па выніках сезона каманда заваявала пуцёўку ў вышэйшую лігу. Ці атрымаецца захаваць хаця б тых футбалістаў, каго хацелася б бачыць у першую чаргу? Упэўнены, агульную мову з хлопцамі, якіх хоча бачыць у калектыве галоўны трэнер і хто хацеў бы працягнуць кар’еру ў «Смаргоні», абавязкова знойдзем, адзначыў Павел Люцько.

Гаўрус гуляе за „Белсталь”. Гэта яго чацвёрты матч у сезоне

Форвард жлобінскага „Металурга” Артур Гаўрус выйшаў на лёд у складзе „Белсталі” ў матчы вышэйшай лігі. Гэта яго першы матч з 5 кастрычніка і толькі чацвёрты ў сезоне. Гаўрус аднавіўся пасля траўмы, пачаў трэніроўкі, а напярэдадні ўпершыню пасля доўгага перапынку атрымаў гульнявую практыку, гэта яго дэбют за „Белсталь”, — перадае сайт ФХБ.

НАК ЗША заклікаў дапусціць беларускіх і расейскіх атлетаў да Алімпіяды пад нейтральным сцягам

Алімпійскі і Паралімпійскі камітэт ЗША падтрымлівае варыянт уключэння беларускіх і расійскіх спартоўцаў на летнія Алімпійскія гульні 2024 года ў Парыжы. Гэта магчыма пры ўмове, што яны не будуць выступаць пад сцягамі сваіх краін ці ў іх колерах, заявіла Сюзана Лаёнс, старшыня праўлення USOPC.

ЗША падтрымліваюць пошук магчымасцяў вярнуцца да спаборніцтваў для спартоўцаў, якія трэніраваліся для гэтага ўсё сваё жыццё, але катэгарычна супраць таго, каб яны вярнуліся пад нацыянальным сцягам, у той час як іх краіны знаходзяцца пад санкцыямі, – сказала Лаёнс.

Свёнтэк прызнана Гульцом года па версіі ВТА

Полька Іга Свёнтэк прызнана Гульцом года па версіі ВТА. У мінулым сезоне першая ракетка свету выйграла „Ралан Гарос” і „US Open”. Беларускі ўзнагароды не атрымалі. Камандай года сталі першыя ракеткі свету і чэмпіёнкі „Australian Open”, „Уімблдона” і „US Open” Барбара Крэйчыкава і Кацярына Сінякова. Званне „Прагрэс года” атрымала Беатрыс Хадад Майя, якая з-за межаў топ-80 паднялася ў топ-20 і выйграла два адзіночныя тытулы. Навічком года стала 27-я ракетка свету Цыньвэнь Чжэн. Вяртанне года — паўфіналістка „Уімблдона” Таццяна Марыя, якая вярнулася ў тур пасля нараджэння другога дзіцяці.

Беларускае Радыё Рацыя

Artykuł Аргенціна – Харватыя: сёння вызначыцца першы фіналіст чэмпіянату pochodzi z serwisu БЕЛАРУСКАЕ РАДЫЁ РАЦЫЯ.