Еўразвяз асудзіў прыняцце законапраекта, які дазваляе пазбаўляць беларусаў грамадзянства
Еўразвяз асудзіў прыняцце законапраекта, які дазваляе пазбаўляць беларусаў грамадзянства, атрыманага паводле права нараджэння.
У Еўразвязе лічаць гэта чарговым фактам праяўлення „жорсткага пераследу ўсіх незалежных галасоў” з боку рэжыму ў Менску.
„Прадстаўнікі дэмакратычных сіл, СМІ і грамадзянскай супольнасці, якія ўцяклі з краіны, ратуючыся ад пераследу, рызыкуюць застацца без грамадзянства”.
Гэта з’яўляецца парушэннем міжнароднага права, бо Усеагульная дэкларацыя правоў чалавека „абараняе права кожнага на грамадзянства і забараняе адвольнае пазбаўленне яго”.
„Папраўка да закона аб грамадзянстве з’яўляецца яшчэ адным прыкладам росту ўзроўню беззаконня ў Беларусі”, — гаворыцца ў заяве Еўрапейскай службы знешніх дзеянняў.
Паводле @pozirkonline
Artykuł Еўразвяз асудзіў прыняцце законапраекта, які дазваляе пазбаўляць беларусаў грамадзянства pochodzi z serwisu БЕЛАРУСКАЕ РАДЫЁ РАЦЫЯ.