У Варшаве прайшла канферэнцыя “Кадравы рэзерв для Новай Беларусі. Выклікі і перспектывы”
У Варшаве прайшла канферэнцыя “Кадравы рэзерв для Новай Беларусі. Выклікі і перспектывы”. Спікерамі на сустрэчы сталі беларускія палітыкі: Павел Латушка, Анатоль Лябедзька, Арцём Праскаловіч і Віталь Макаранка. Выступоўцы не толькі агучылі свае погляды на сітуацыю са спецыялістамі ў Новай Беларусі, але і адказалі на пытанні аўдыторыі.
Чаму такія канферэнцыя важна ладзіць цяпер, распавёў мадэратар падзеі, кіраўнік Руху “За Свабоду” Юрась Губарэвіч:
– У сферы дзяржаўнага кіраванны ў Беларусі задзейнечаны каля 200 тысяч асобаў. Некалькі тысяч займаюць важныя, ключавыя, кіруючыя пасады, і як правіла менавіта гэтыя людзі адказныя за тое, што робіцца рукамі рэжыму. Менавіта пераслед палітычных апанентаў, звальненне тых людзей, якія нязгодныя з дзеяннямі рэжыму, рэпрэсіі, фальсіфікацыі выбараў. Натуральна, што ў момант, калі адбудуцца перамены, тыя людзі, якія парушалі закон, яны не павінны заставацца ў сістэме дзяржаўнага кіравання. Павінна быць каманда, якая іх заменіць, і гэтая каманда павінна складацца з прафесіяналаў.
Удзельнікамі падзеі таксама сталі прадстаўнікі Народных Амбасадаў Беларусі, якiя працуюць у розных краiнах свету (Славенія, Румынія, Аўстрыя, Швецыя, Германія, Ізраіль, Польшча).
Беларускае Радыё Рацыя
Artykuł У Варшаве прайшла канферэнцыя “Кадравы рэзерв для Новай Беларусі. Выклікі і перспектывы” pochodzi z serwisu БЕЛАРУСКАЕ РАДЫЁ РАЦЫЯ.