Вікторыя Азаранка выйшла ў 1/8 фіналу турніру ў Адэлаідзе

У 1/16 фіналу яна абыграла ў двух сэтах украінку Ангеліну Калініну (39 ВТА) — 7:6 (11:9), 7:6 (7:5).

Artykuł Вікторыя Азаранка выйшла ў 1/8 фіналу турніру ў Адэлаідзе pochodzi z serwisu БЕЛАРУСКАЕ РАДЫЁ РАЦЫЯ.

Беларуская Вікторыя Азаранка (26-ы нумар рэйтынгу) стартавала з перамогі на турніры катэгорыі ВТА-500 у аўстралійскай Адэлаідзе. У 1/16 фіналу яна абыграла ў двух сэтах украінку Ангеліну Калініну (39 ВТА) — 7:6 (11:9), 7:6 (7:5).

У 1/8 фіналу суперніцай Вікторыі Азаранкі будзе кітаянка Сінвэнь Жон (28 ВТА).

Беларуска Арына Сабаленка (5 ВТА) згуляе з расейкай Людмілай Самсонавай (20) у 1/8 фіналу турніру гэтага ж турніру. Сабаленка стартавы раунд прапускала дзякуючы высокаму пасеву. Самсонава ў трох сэтах перайграла кітаянку Чжан Шуай (25) — 5:7, 6:3, 6:0. Сустрэча беларускі і расейкі пройдзе раніцай 4 студзеня.

Сяргей Паліцевіч растаўся з «Шахцёрам”

Беларускі абаронца Сяргей Паліцевіч пакінуў салігорскі „Шахцёр”. Пра гэта паведамляе прэс-служба гарнякоў. Абаронца стаў гульцом „Шахцёра” у пачатку 2020 года. Усяго за час выступленняў за салігорскую каманду Сяргей правёў 40 афіцыйных матчаў, у якіх вызначыўся чатырма забітымі галамі. Разам з „жоўта-чорнымі” абаронца тройчы запар стаў чэмпіёнам Беларусі. Паліцевіч быў капітанам гарнякоў.

Зборныя ЗША і Канады выйшлі ў паўфінал

На моладзевым чэмпіянаце свету па хакеі ў Канадзе вызначыліся паўфінальныя пары. Каманда ЗША, разграміўшы нямецкіх равеснікаў 11:1, за выхад у фінал будзе змагацца з канадскай „маладзёжкай”, якія толькі ў авертайме перайгралі славакаў – 4:3. У іншым матчы 1/2 фіналу пазмагаюцца чэхі і шведы. Паядынкі гэтай стадыі пройдуць 4 студзеня, паводле мясцовага часу.

Даніла Клімовіч адзначыўся закінутай шайбай у пераможным матчы „Абатсфарда”

Беларускі форвард Даніла Клімовіч закінуў шостую шайбу ў сезоне Амерыканскай хакейнай лігі. У матчы рэгулярнага чэмпіянату АХЛ яго „Абатсфард” перамог „Калгары” з Іллём Салаўёвым у складзе — 5:2. Салаўёў нанёс 2 кідкі і зарабіў паказчык карыснасці 0. На яго рахунку 5 (0+5) ачкоў у 28 гульнях сезона, пры паказчыку карыснасці +4. Што ж да Клімовіча, то ён закінуў шайбу, нанёс 4 кідкі і зарабіў паказчык карыснасці +1. У яго актыве 15 (6+9) ачкоў у 25 гульнях, пры паказчыку карыснасці 8. Ён набірае ачкі ў трох матчах запар.

Крыштыяну Раналду рыхтуецца да прэзентацыі ў «Аль-Наср”

Экс-нападнік „Манчэстэр Юнайтэд” Крышціяну Раналду прыбыў у Саудаўскую Аравію. 3 студзеня адбудзецца прэзентацыя 37-гадовага форварда ў якасці навічка „Аль-Наср”. Чакаецца, што імпрэзу на стадыёне „Мрсул-парк” наведаюць каля 30 тысяч гледачоў. Паводле інфармацыі газеты Marca, у кантракце партугальскага футбаліста ёсць пункт, паводле якога ён можа перайсці ў „Ньюкасл” на правах арэнды, калі „сарокі” патрапяць у Лігу чэмпіёнаў па выніках сезона. Англійскім клубам валодае Дзяржаўны інвестыцыйны фонд Саудаўскай Аравіі.

Беларускае Радыё Рацыя

Artykuł Вікторыя Азаранка выйшла ў 1/8 фіналу турніру ў Адэлаідзе pochodzi z serwisu БЕЛАРУСКАЕ РАДЫЁ РАЦЫЯ.