Хакеісты менскага „Дынама” спынілі серыю паразаў у КХЛ
Хакейнае менскае "Дынама" святкавала першую з пачатку снежня перамогу ў рэгулярным чэмпіянаце Кантынентальнай хакейнай лігі.
Artykuł Хакеісты менскага „Дынама” спынілі серыю паразаў у КХЛ pochodzi z serwisu БЕЛАРУСКАЕ РАДЫЁ РАЦЫЯ.
Хакейнае менскае „Дынама” святкавала першую з пачатку снежня перамогу ў рэгулярным чэмпіянаце Кантынентальнай хакейнай лігі.
У першым матчы 2023 года дынамаўцы гасцявалі ў Хабараўску ў „Амура”. „Зубры” выйшлі наперад усяго праз 80 секунд пасля стартавага ўкідвання: лік адкрыў Павел Варфаламееў. Другі перыяд абышоўся без галоў, і толькі ў пачатку трэцяга перыяду гаспадары аднавілі парытэт. Але на большае гульцоў „Амура” не хапіла, далей у матчы закідвалі выключна „зубры”. У складзе „Дынама” вызначыліся Нік Мёрклі, Раман Гарбуноў і Раян Спунэр. Фінальны лік – 4:1.
Падначаленыя Крэйга Вудкрафта спынілі серыю з васьмі няўдач запар: папярэдняя перамога „зуброў” была здабыта яшчэ 2 снежня. Мінчане па-ранейшаму ідуць на 9-м месцы ў Заходняй канферэнцыі КХЛ, але адставанне ад зоны плей-оф скарацілася да аднаго ачка.
„Юнацтва” абыграла „Металург”
У аўторак у Гомелі, Магілёве і Жлобіне адбыліся першыя ў новым годзе матчы рэгулярнага чэмпіянату беларускай хакейнай экстралігі. У цэнтральным матчы вечара сышліся лепшыя каманды мінулага сезона экстралігі – „Металург” і „Юнацтва”. Канчатковы лік – 5:4 на карысць „Юнацтва”. Самы выніковы паядынак дня выдалі аўтсайдэры турнірнай табліцы „Магілёў” і „Ліда”, якія настралялі 11 шайбаў – 6:5 на карысць лідскай дружыны. Таксама ў аўторак „Гомель” на сваім лёдзе нанёс паразу „Віцебску” 2:1.
„Нёман” падпісаў абаронцу Рогача
Данііл Рогач падпісаў кантракт з „Нёманам” да канца сезона 2023/24, паведамляе прэс-служба „чырвона-чорных”.
У бягучым сезоне 19-гадовы абаронца правёў 23 матчы ў МХЛ за „Аўта”, дзе закінуў 2 шайбы і аддаў 6 выніковых перадач, пры 14 хвілінах штрафу і карыснасці „+6”. Таксама ў актыве Рогача 2 матчы ў ВХЛ за „Гарняк-УГМК”. Раней правы на хакеісты былі перададзены ў „Нёман” з „Ліды”.
Нікіфарэнка пакінуў „Іслач”
Паўабаронца Алег Нікіфарэнка пакінуў шэрагі „Іслачы” ў сувязі са сканчэннем тэрміну дзеяння працоўнай дамовы, паведамляе афіцыйны сайт „ваўкоў”. У першым крузе мінулага чэмпіянату 21-гадовы футбаліст выступаў за прысталічны клуб на правах арэнды, а ўлетку падпісаў паўнавартасны кантракт, разлічаны да канца сезона. За гэты час Нікіфарэнка згуляў у футболцы „Іслачы” 29 матчаў, у якіх забіў пяць галоў і аддаў чатыры перадачы. Па сістэме „гол+пас” увайшоў у тройку лепшых гульцоў каманды.
„Арсенал” і „Ньюкасл” разышліся мірам
Матч 19-га тура чэмпіянату Англіі, у якім лідэр, лонданскі „Арсенал” сустракаўся з „Ньюкаслам”, завяршыўся безгалявой нічый 0:0
„Манчэстэр Юнайтэд” разграміў „Борнмут” 3:0. У пераможцаў вызначыліся Каземіра, Люк Шоу і Маркус Рэшфард. Футбалісты „Эвертана” на сваім полі былі разгромлены „Брайтанам” 1:4, а „Лестэр” мінімальна саступіў „Фулхэму” – 0:1. Футбалісты мадрыдскага „Рэала” з мінімальнай розніцай 1:0 абыгралі „Касераньё” з 5-га іспанскага дывізёна ў матчы 1/16 фіналу Кубка Іспаніі.
Футбалісты „Эспаньёла” абыгралі „Сельту” 3:1, „Вільярэал” у гасцях быўмацней 5:1 за другадывізіённую „Картахену”, а „Валенсія” на чужым полі не пакінула шанцаў трэцядывізіённай „Ла Нусіі” 3:0.
Беларускае Радыё Рацыя
Artykuł Хакеісты менскага „Дынама” спынілі серыю паразаў у КХЛ pochodzi z serwisu БЕЛАРУСКАЕ РАДЫЁ РАЦЫЯ.