У „спіс экстрэмістаў” МУС дададзены чарговыя асобы
Плюс тры чалавека. Столькі на Берасцейшчыне дададзена да так званага спісу экстрэмістаў.
Artykuł У „спіс экстрэмістаў” МУС дададзены чарговыя асобы pochodzi z serwisu БЕЛАРУСКАЕ РАДЫЁ РАЦЫЯ.
Плюс тры чалавека. Столькі на Берасцейшчыне дададзена да так званага спісу экстрэмістаў.
Міністэрства ўнутраных спраў Рэспублікі Беларусь абнавіла пералік „асобаў, якія маюць дачыненне да экстрэмісцкай дзейнасці”, і такім чынам іх колькасць у вобласці склала 467 чалавек.
Справу жыхаркі Берасця Ганны Гулевіч разглядалі ў судзе Партызанскага раёна горада Менска. А менавіта ёй прад’яўлена частка 2 артыкула 342 Крымінальнага кодэкса Рэспублікі Беларусь або Дзеянні, якія груба парушаюць грамадскі парадак.
Суддзя – Міхаіл Макарэвіч. Якім быў прысуд — пакуль не вядома.
Наступны палітвязень, які ўнесены ў так званы экстрэмісцкі спіс – гэта жыхар Берасця Валер Кулеша. У снежні 2022 года разгляд справы ў адносінах да яго адбыўся ў аршанскім судзе Віцебскай вобласці. Падстава — артыкул 369 або Абраза прадстаўніка ўлады. Рашэнне суда – вызваліць ад крымінальнай адказнасці з прычыны заканчэння тэрміну даўнасці.
І жыхар Жабінкі Аляксей Міхнюк быў асуджаны па частцы 1 артыкулу 368 і артыкулу 369 або Абраза прэзідэнта Рэспублікі Беларусь і Абраза прадстаўніка ўлады. Справу разглядаў бярозаўскі суддзя Зміцер Кавалевіч. Прысуд невядомы.
Беларускае Радыё Рацыя
Artykuł У „спіс экстрэмістаў” МУС дададзены чарговыя асобы pochodzi z serwisu БЕЛАРУСКАЕ РАДЫЁ РАЦЫЯ.