Еўразвяз падтрымаў «формулу міру», прапанаваную Украінай

Ён пацвердзіў прыхільнасць да актыўнага супрацоўніцтва з Украінай над гэтым мірным планам.

Artykuł Еўразвяз падтрымаў «формулу міру», прапанаваную Украінай pochodzi z serwisu БЕЛАРУСКАЕ РАДЫЁ РАЦЫЯ.

Еўразвяз падтрымаў «формулу міру», прапанаваную Кіевам, і пацвердзіў прыхільнасць да актыўнага супрацоўніцтва з Украінай над гэтым мірным планам.

Пра гэта гаворыцца ў афіцыйнай заяве па выніках саміту Украіна-ЕЗ, паведамляе прэс-служба Офіса прэзідэнта Украіны. Таксама ў Еўразвяз падтрымалі правядзенне саміту для пачатку рэалізацыі пунктаў украінскай «формулы міру», гаворыцца ў паведамленні.

Сёння, 4 лютага, прэзідэнт Украіны Уладзімір Зяленскі падзяліўся ў сваім тэлеграм-канале відэа, у якім прадстаўлена апісанне ўкраінскай «формулы міру», што складаецца з 10 пунктаў. У іх ліку –  харчовая, энергетычная, радыяцыйная і ядзерная бяспека — вывад расейскіх войскаў з Запарожскай АЭС, атрыманне Украінай поўнага кантролю над усімі атамнымі аб’ектамі краіны, выкананне Расеяй усіх правілаў МАГАТЭ. Вызваленне ўсіх украінскіх ваеннапалонных, вяртанне ва Украіну ўсіх дэпартаваных у Расею ўкраінскіх мірных жыхароў. Выкананне Статуту ААН — аднаўленне тэрытарыяльнай цэласнасці Украіны і сусветнага парадку, пры якім Расея паважае ўкраінскі суверэнітэт. Вывад расейскіх войскаў з усёй украінскай тэрыторыі і спыненне баявых дзеянняў — вяртанне да ўкраінскіх межаў ад 1991 году разам з Крымам і Данбасам. У формуле міра таксама значыцца аднаўленне справядлівасці — спецыяльны трыбунал для адказных за ваенныя злачынствы ва Украіне і кампенсацыя Украіне ўсёй шкоды.

Ужо вядома, што міністр замежных спраў Расеі Сяргей Лаўроў у адказ заявіў, што Крэмль ні з кім не будзе размаўляць на аснове формулы міру, якую прапанаваў Зяленскі.

Беларускае Радыё Рацыя

Artykuł Еўразвяз падтрымаў «формулу міру», прапанаваную Украінай pochodzi z serwisu БЕЛАРУСКАЕ РАДЫЁ РАЦЫЯ.