Гарэлік мяняе спартовае грамадзянства
Дыяганальная "Ленінградкі" Анастасія Гарэлік расказала аб рашэнні завяршыць выступы за зборную Беларусі па валейболе.
Artykuł Гарэлік мяняе спартовае грамадзянства pochodzi z serwisu БЕЛАРУСКАЕ РАДЫЁ РАЦЫЯ.
Дыяганальная „Ленінградкі” Анастасія Гарэлік расказала аб рашэнні завяршыць выступы за зборную Беларусі па валейболе.
Гутарка з валейбалісткай адбылася ў праграме „Спорт-кадр” на канале „Беларусь 5”. Яшчэ ў сакавіку мінулага года Анастасія Гарэлік атрымала расейскі пашпарт. „Спартовае грамадзянства яшчэ не памяняла, але гэта ўсё ў працэсе.
Клуб спытаў, ці гатовая памяняць спартовае грамадзянства для паляпшэнні ўмоў. Каб і для клуба было лепш, каб не лічылася легіянерам. Яны прапанавалі такія ўмовы, і вырашыла, што так. Сваю кар’еру ў зборнай Беларусі я вырашыла завяршыць. Ні за адну зборную – ні Беларусі, ні Расеі – выступаць не буду.” , – патлумачыла сваё рашэнне Анастасія Гарэлік.
Брэсан сышоў з клуба другога дывізіёна Бразіліі
Экс-форвард барысаўскага БАТЭ і зборнай Беларусі Рэнан Брэсан прыняў рашэнне скасаваць кантракт з бразільскай „Крысіумай”.
34-гадовы нападнік знаходзіцца ў пошуку новага клуба.
— Сканчаю свой цыкл у „Крысіуме” не так, як жадалася, але нягледзячы ні на што, заўсёды ставіў клуб вышэй за ўсё. Прафесіяналізм і павага былі і будуць маім асабістым брэндам. Ад усяго сэрца дзякую за гэты кароткі, але вельмі інтэнсіўны перыяд, – напісаў Брэсан у сябе ў інстаграм.
Форвард „Гомеля” Ілля Жукоўскі дыскваліфікаваны на адзін матч
Судзейскі камітэт ФХБ разгледзеў эпізод з парушэннем правілаў нападнікам „Гомеля” Іллём Жукоўскім на 19-й хвіліне матча з „Хімікам”, які адбыўся 22 лютага. Вывучыўшы відэазапіс гульнявога моманту, Судзейскі камітэт ФХБ вырашыў пакінуць без зменаў матч-штраф за „падсечку”, накладзены на Іллю Жукоўскага, а таксама пастанавіў дыскваліфікаваць форварда на адну гульню.
Ён не дапаможа сваёй камандзе ў заключным матчы рэгулярнага чэмпіянату супраць „Лакаматыва”, які заўтра пройдзе ў Гомелі.
„Юнацтва” ўпершыню за восем гадоў завершыць рэгулярны чэмпіянат не вышэй за трэцяе месца
Сталічны хакейны клуб «Юнацтва” завершыць рэгулярны чэмпіянат ніжэй за другую пазіцыю ўпершыню з 2015 года. У тым годзе сталічны клуб таксама стаў трэцім, а ў фінале плэй-оф саступіў „Шахцёру”, які тады выйграў і рэгулярны сезон. Гэта стала вядома за два матчы да фінішу рэгулярнага чэмпіянату. Незалежна ад зыходаў паядынкаў з „Брэстам” і „Лідай”, „Юнацтва” застанецца трэцім. Нават калі мінчане дагоняць па колькасці ачкоў „Шахцёр” і „Нёман”, якія ідуць наперадзе, яны саступяць ім па выніках вочных двубояў.
За апошнія шэсць гадоў пераможца рэгулярнага чэмпіянату двойчы не здолеў стаць чэмпіёнам у плэй-оф, у абодвух выпадках „Юнацтва” саступала ў фінале „Нёману” і „Металургу”.
Сабаленка выйграла 13 матчаў запар з пачатку года – такой серыі не было ні ў каго 8 гадоў
Другі нумар сусветнага рэйтынгу Арына Сабаленка застаецца непераможнай у 2023 годзе. З пачатку года беларуска выйграла 13 матчаў запар. Апошні раз падобная серыя мела месца 8 гадоў таму, калі Серэна Уільямс пачала 2015 год, перамогшы 24 разы запар.
Нагадаем, Сабаленка ў пачатку года выйграла турнір у Адэлаідзе, затым пацвердзіла клас, стаўшы пераможцай Australian Open.
Зараз беларуска працягвае пераможную хаду, выйшаўшы ў чвэрцьфінал турніру ў Дубаі, дзе сустрэнецца з чэшкай Барбарай Крэйчыкавай.
Галкіпер зборнай Беларусі скасаваў кантракт з „Аль-Ахлі”
Брамнік зборнай Беларусі Вячаслаў Салдаценка скасаваў кантракт з „Аль-Ахлі”. Адна з прычын – невыкананне катарскім клубам умоў пагаднення, паведамляе тэлеграм-канал „Bysport”. Такім чынам, пабыўка Салдаценкі ў Катары атрымалася кароткатэрміновай. Вячаслаў перабраўся ў „Аль-Ахлі” са швейцарскай „Аміцытыі” толькі ў пачатку студзеня.
„Барселона” перамагла „Пік” у гандбольнай Лізе чэмпіёнаў
Гандбалісты іспанскай „Барселоны” працягнулі бяспройгрышную серыю ў Лізе чэмпіёнаў. У сваім перадапошнім матчы папярэдняй групы B дзейныя пераможцы перамаглі на сваёй арэне венгерскі „Пік” з Сегеда з лікам 35:25. Для гандбалістаў „Барсы” гэта 12-я вікторыя ў 13 праведзеных сустрэчах.
Беларускае Радыё Рацыя
Artykuł Гарэлік мяняе спартовае грамадзянства pochodzi z serwisu БЕЛАРУСКАЕ РАДЫЁ РАЦЫЯ.