Еўразвяз прыняў дзясяты пакет санкцый у дачыненні да Расеі

Чарговы пакет санкцый быў зацверджаны 25 лютага.

Artykuł Еўразвяз прыняў дзясяты пакет санкцый у дачыненні да Расеі pochodzi z serwisu БЕЛАРУСКАЕ РАДЫЁ РАЦЫЯ.

Еўрапейская камісія расказала пра 10-ы пакет санкцый супраць Расейскай Федэрацыі за поўнамаштабнае ўварванне ва Украіну, які быў зацверджаны 25 лютага. Пра гэта паведаміла прэс-служба Еўрапейскай камісіі.

Новыя санкцыі Еўрапейскага Звяза ў дачыненні да Расеі ахопліваюць экспарт на суму 11,4 мільярда еўра і ўключаюць абмежаванні на адчувальныя тэхналогіі падвойнага выкарыстання і перадавыя тэхналогіі, якія спрыяюць павелічэнню ваеннага патэнцыялу і тэхналагічнаму ўдасканаленню Расеі.

Пад абмежаванні падпадаюць дадатковыя электронныя кампаненты, якія выкарыстоўваюцца ў расійскіх сістэмах зброі (беспілотнікі, ракеты, верталёты, іншыя транспартныя сродкі), а таксама забароны на канкрэтныя рэдказямельныя элементы і цеплавізары ваеннага прызначэння.

У санкцыйны пакет ўключылі 120 чалавек, у тым ліку асоб, якія прымаюць рашэнні, высокапастаўленых дзяржаўных чыноўнікаў і ваенных лідараў, якія маюць дачыненне да вайны супраць Украіны, а таксама давераных асоб, прызначаных Расеяй на акупаваных тэрыторыях Украіны.

Новы санкцыйны пакет таксама прадугледжвае забарону грамадзянам Расіі ўваходзіць у склад кіроўных органаў кампаній крытычнай інфраструктуры дзяржаў-членаў ЕЗ.

Пад санкцыі трапілі 96 арганізацый, звязаных з расійскім ваенна-прамысловым комплексам, у выніку чаго агульная колькасць падсанкцыйных юрыдычных асоб у ваеннай сферы дасягае 506. У прыватнасці, гэта арганізацыі, звязаныя з „падкантрольнай Крамлю ваенізаванай арганізацыяй „Вагнер”, таксама ў гэты спіс уваходзяць сем іранскіх арганізацый, якія выкарыстоўваюць кампаненты ЕЗ і даюць Расіі ваенныя беспілотнікі Shahed для нападаў на грамадзянскую інфраструктуру ва Украіне.

У спісе таксама апынуліся тры расейскія банкі.

Artykuł Еўразвяз прыняў дзясяты пакет санкцый у дачыненні да Расеі pochodzi z serwisu БЕЛАРУСКАЕ РАДЫЁ РАЦЫЯ.