Гол Кавалевіча прынёс „Шахцёру” няпростую перамогу над „Нафтанам”
"Шахцёр" адолеў "Нафтан" у хатнім матчы 1-га тура чэмпіянату Беларусі па футболе — 2:1.
Artykuł Гол Кавалевіча прынёс „Шахцёру” няпростую перамогу над „Нафтанам” pochodzi z serwisu БЕЛАРУСКАЕ РАДЫЁ РАЦЫЯ.
„Шахцёр” адолеў „Нафтан” у хатнім матчы 1-га тура чэмпіянату Беларусі па футболе — 2:1. Перамогу гарнякам прынёс першы ў вышэйшай лізе гол 20-гадовага Максіма Кавалевіча.
Брамнік „Шахцёра” Сяргей Чэрнік атрымаў траўму. У канцоўцы другога тайма гулец „Нафтана” Рамазан Ісаеў забіў гол, але пры гэтым сутыкнуўся з галкіперам гарнякоў. Суддзя ўзяцце брамы не залічыў. Чэрнік не змог падняцца з газона, яму аказвалі дапамогу, а затым панеслі з поля на насілках.
БАТЭ дзякуючы галам Анцілеўскага і Французава абыграў „Гомель” – 2:0.
„Ягелонія” згуляла ўнічыю 2:2 з Заглембе ў матчы 26 тура чэмпіяната Польшчы па футболе. На гол Жывеца на 1-й хвіліне гульні адказаў Гуаль, а на гол Пзадана Кацпер Хадыня
Футбалісткі „Мінска” і „Зоркі-БДУ” перамаглі на старце жаночага чэмпіянату Беларусі
Футбалісткі „Мінска” атрымалі буйную перамогу ў стартавым паядынку жаночага чэмпіянату Беларусі. Сёння віцэ-чэмпіёнкі краіны разграмілі на сваім полі гасцей з „Віцебска” з лікам 3:0. Уладальнік бронзы мінулага чэмпіянату менская „Зорка-БДУ” у Бабруйску ўпэўнена перайграла мясцовую „Бабруйчанку” з лікам 4:0. Заўтра футбалісткі „Гомеля” прымуць магілёўскае „Дняпро”, а ў Берасце мясцовае „Дынама” сустрэнецца з дэбютантам турніру ДЮСШ-ПалесДУ з Пінска.
Сабаленка стала фіналісткай турніру WTA у Індыян-Уэлсе
Беларуская тэнісістка Арына Сабаленка прабілася ў фінал турніру катэгорыі WTA-1000 у амерыканскім Індыян-Уэлсе з прызавым фондам 8 мільёнаў 800 тысяч даляраў. Мінулай ноччу другая ракетка свету без асаблівых праблем перайграла ў дзвюх партыях грачанку Марыю Сакары, якая займае 7-е месца ў рэйтынгу WTA, – 6:2, 6:3. Сустрэча працягвалася 1 гадзіну 25 хвілін. Заўтра ў вырашальным паядынку Арына Сабаленка будзе супернічаць з прадстаўніцай Казахстана Аленай Рыбакінай, якая перамагла першую ракетку планеты польку Ігу Свёнтэк – 6:2, 6:2.
Патрык Віейра быў звольнены з „Крыстал Пэлас” за «залішнюю мяккасць» з гульцамі
Стала вядома прычына звальнення Патрыка Віейры з пасады галоўнага трэнера „Крыстал Пэлас”. Савет дырэктараў каманды вырашыў звольніць 46-гадовага спецыяліста, таму што ён быў „занадта мяккім”. Кіраўнікі былі шакаваныя тым, што Віейра адмовіўся лаяцца на гульцоў пасля 12 матчаў без перамог. Раней з’явілася інфармацыя, што Стывен Джэрард можа ўзначаліць „Крыстал Пэлас”.
Беларускае Радыё Рацыя
Artykuł Гол Кавалевіча прынёс „Шахцёру” няпростую перамогу над „Нафтанам” pochodzi z serwisu БЕЛАРУСКАЕ РАДЫЁ РАЦЫЯ.