Аляксандр Класкоўскі: Пакуль гэта сімвалічнае рашэнне
Госць Рацыі — палітычны аналітык Аляксандр Класкоўскі.
Artykuł Аляксандр Класкоўскі: Пакуль гэта сімвалічнае рашэнне pochodzi z serwisu БЕЛАРУСКАЕ РАДЫЁ РАЦЫЯ.
Госць Рацыі — палітычны аналітык Аляксандр Класкоўскі.
РР: Атрымлі мы такую свежую інфармацыю: прыйшла заява ад прадстаўнікоў Паўднёва-Афрыканскіх Рэспублікі, якія кажуць пра тое, што яны гатовыя затрымаць Уладзіміра Пуціна, калі ён, магчыма, прыедзе да іх на саміт БРІКС, які запланаваны ў жніўні. Акурат гэты ордэр на арышт Уладзіміра Пуціна я хацеў бы каб мы з вамі абмеркавалі. Атрымліваецца, што Пуціна расшуквае ўжо увесь свет.
Аляксандр Класкоўскі: Калі быць больш дакладным, то амаль увесь свет. Бо гаворка ідзе пра 120 з нечым краін, якія падпісалі так званы Рымскі статут. Для астатніх гэты ордэр не дзейнічае. Але 120 краін гэта таксама большая частка планеты, але тут гэтае рашэнне мае такое сімвалічнае значэнне. Цяжка сказаць, ці рызыкнулі б там у Паўднёва-Афрыканскай Рэспубліцы, ці яшчэ недзе, арыштоўваць Пуціна, каб ён раптам там з’явіўся. Але найхутчэй ён не будзе там з’яўляцца, таму што сапраўды гэта ўсё ж такі «Дамоклаў меч». Я думаю, Пуцін і так не шмат куды выязджаў апошні час. Калі не лічыць, што ён нібыта прыехаў у Крым, як паведамлялі расейскія крыніцы, нават у Марыупаль. Але ж апошнім часам шмат размоваў пра тое, што гэта можа быць двайнік, ці нават трайнік Пуціна ездзіць. Міжнародныя маршруты і так былі абмежаваныя, таму што гэта ізгой, гэта чалавек «нерукапаціскальны» ў вачох лідараў дэмакратычнага свету, таму, як і ў Аляксандра Лукашэнкі, ягоныя міжнародныя маршруты былі абмежаваныя, ну а цяпер будуць абмежаваныя яшчэ болей. Але схапіць Пуціна, кіраўніка ядзернай краіны, гэта не рэальна да таго часу, пакуль сітуацыя зусім ужо не ўявіць сабой каласальнае паражэнне Расеі і развал самой краіны. Ну а да гэтага, я думаю, яшчэ далёка.
Цалка размова:
Беларускае Радыё Рацыя
Artykuł Аляксандр Класкоўскі: Пакуль гэта сімвалічнае рашэнне pochodzi z serwisu БЕЛАРУСКАЕ РАДЫЁ РАЦЫЯ.