Тэма дня: Як перамагаюць рэвалюцыі
Важна разумець, што рэвалюцыйныя перамены пачынаюцца на вуліцы, але сканчаюцца ў кабінетах падчас перамоваў людзей, якія маюць магчымасць штосьці змяняць на дзяржаўным узроўні.
Artykuł Тэма дня: Як перамагаюць рэвалюцыі pochodzi z serwisu БЕЛАРУСКАЕ РАДЫЁ РАЦЫЯ.
Прыблізна палова беларусаў са словам «Рэвалюцыя» асацыююць савецкія фільмы. Дзе страляе «Аўрора», а пасля матросы штурмуюць Зімні палац. На гэтым усё.
Прывітанне, з вамі Севярын Квяткоўскі. Паразважаем як насамрэч адбываюцца паспяховыя рэвалюцыі.
Людзі ў школе не вельмі любяць вучыць гісторыю, таму карыстаюцца штампамі, міфамі і стэрэатыпамі.
Калі браць колішнюю палітычную ўсходнюю Еўропу, там рэвалюцыі перамаглі толькі з аслабленнем СССР. Перад тым любыя рэвалюцыі душыліся савецкімі танкамі і аўтаматамі.
Ёсць пашыранае меркаванне, што польскі кіраўнік Войцэх Ярузэльскі любіў Польшчу, таму пайшоў на перамовы з апазіцыяй.
Хто з атачэння Лукашэнкі пойдзе на перамовы? Усе ябацькі ў пагонах па локаць у крыві.
Але самае галоўнае, што яны гадаванцы СССР. «Мой адрес не дом і не уліца, мой адрес Советскій Союз». Людзі без радзімы.
Без радзімы. Але з калькулятарам у галаве. Палкоўнічыя і генеральскія лампасы ім дадзеныя не толькі для прагулак на парадах. Яшчэ для грошай.
Калі мы разважаем пра перамогі рэвалюцый, мы часта не ўлічваем фактар асабістай меркантыльнай зацікаўленасці людзей пры ўладзе.
Як? Як адбудзецца змена ўлады ў Беларусі.
Адно з самых задаваных пытанняў.
Людзі, якія ўяўляюць механізмы пераменаў, не раскрыюць свае карты падпольшчыкаў. Але можна паглядзець прыклады, і ўявіць механізмы.
У Сербіі ў 2000-м годзе міліцэйскіх генералаў купілі. Далі чамаданы з грашыма, і «сілавікі» не ўмешваліся ў рэвалюцыйныя працэсы. Ва ўсходняй Нямеччыне ў 1990-м годзе было дастаткова ляпа ў эфіры, калі прамову міністра ўнутраных справаў людзі счыталі як дазвол на пераход мяжы.
Ва Украіне на Майдане 2013-14 гадоў большасць сыходзілі спаць па дамах, а тыя, хто заставаўся на плошчы, гэтыя тры-чатыры тысячы чалавек сталі легітымнымі пераможцамі. Але сама перамога адбылася ў парламенце. І гэта была можа быць рэвалюцыя годнасці, але насамрэч – нацыянальная рэвалюцыя. Дзе ўкраінцы перамаглі маларосаў.
Для Беларусі мне падаецца больш блізкім сербскі варыянт.
2020 год прадэманстраваў, што ў нас няма розніцы між рэгіёнамі. Мы ўсе – беларусы, і большасць з нас супраць дыктатуры.
Важна разумець, што рэвалюцыйныя перамены пачынаюцца на вуліцы, але сканчаюцца ў кабінетах падчас перамоваў людзей, якія маюць магчымасць штосьці змяняць на дзяржаўным узроўні.
Беларускае Радыё Рацыя
Artykuł Тэма дня: Як перамагаюць рэвалюцыі pochodzi z serwisu БЕЛАРУСКАЕ РАДЫЁ РАЦЫЯ.