Агляд прэсы: вырваць рычаг з рук
Ядзерная зброя ў Беларусі: ці ёсць небяспека для Еўропы? Прыгожын кажа аб магчымасці рэвалюцыі ў Расеі. Спрэчка пра права вета ў ЕЗ.
Artykuł Агляд прэсы: вырваць рычаг з рук pochodzi z serwisu БЕЛАРУСКАЕ РАДЫЁ РАЦЫЯ.
Ядзерная зброя ў Беларусі: ці ёсць небяспека для Еўропы? Прыгожын кажа аб магчымасці рэвалюцыі ў Расеі. Спрэчка пра права вета ў ЕЗ. Simply the best: на смерць Ціны Цёрнер. Падрабязнасці свежых матэрыялаў замежнай прэсы даведаемся ў аглядзе Вольгі Сямашкі.
У чацвер Масква і Менск падпісалі пагадненне аб размяшчэнні ў Беларусі ядзернай зброі, аднак кантроль над ёй павінен будзе заставацца за Расеяй. Паводле слоў Лукашэнкі, перадыслакацыя арсенала ўжо пачалася. Аглядальнікі разыходзяцца ў меркаваннях, наколькі рэальную пагрозу для Еўропы тоіць у сабе гэты крок Масквы. «У наяўнасці злом табу», – канстатуе італьянская газета La Repubblica.
«Боегалоўкі застаюцца пад кантролем Масквы і могуць быць выкарыстаныя вайскоўцамі Лукашэнкі: тая ж працэдура, як прадказальна заявіў Уладзімір Пуцін, што і з амерыканскімі боегалоўкамі ў еўрапейскіх краінах НАТА, уключаючы Італію. Праўда, з адной вялікай розніцай: пасля заканчэння халоднай вайны гэтыя арсеналы былі дэмантаваны і частка з іх вярнулася ў ЗША. Расея ж зараз размяшчае іх за межамі сваіх межаў, парушаючы табу, якое выконваецца ўсімі дзяржавамі. Адзіны вядомы прэцэдэнт – той, што прывёў да Карыбскага крызісу 1962 года», – папярэджвае італьянскае выданне.
Кіраўнік расейскай ПВК Вагнер Яўген Прыгожын праславіўся сярод іншага тым, што рэгулярна абвальваецца з крытыкай на Мінабароны РФ. У адным са сваіх апошніх інтэрв’ю ён не саромеецца ў выразах: «Шайгу на мыла», усё «можа скончыцца як у 1917 годзе рэвалюцыяй». Аглядальнікі разважаюць над тым, якія мэты пераследуе Прыгожын выказваннямі, з якімі ён выступіў пасля піравай перамогі ў Бахмуце. Італьянская газета Corriere della Sera зыходзіць з таго, што Прыгожын дзейнічае з прыцэлам на маючыя адбыцца выбары.
«Гэта – месіджы, накіраваныя ва ўнутраную прастору краіны. Цяпер год выбараў, і пра гэта нельга забываць. 10 верасня ва ўсіх рэгіёнах краіны, у тым ліку ў Маскве, пройдуць выбары мэраў. Гэта генеральная рэпетыцыя прэзідэнцкіх выбараў, якія адбудуцца на пачатку сакавіка наступнага года. Прыгожын прагаворвае шмат відавочных ісцін. Пра пераломны момант вайны: хацелі сцерці Украіну з зямлі, а яе цяпер любіць увесь свет. Хацелі знішчыць яе войска, але ў выніку толькі яе ўзмацнілі. Але Прыгожын і хлусіць таксама: так, ён заявіў пра тое, што ў яго нібыта няма палітычных амбіцый», – падкрэслівае італьянскае выданне.
Дзевяць краін Еўразвяза выступаюць за тое, каб адмяніць права вета на ўзроўні супольнасці і ў далейшым прымаць рашэнні па пытаннях знешняй палітыкі і абароны не на аснове аднагалоснасці, але простай большасцю галасоў. Гэта дазволіла б паскорыць працэс прыняцця рашэнняў. Сярод тых, хто пярэчыць такому падыходу, трэба ў першую чаргу назваць Венгрыю і Польшчу. Не выключана, што да іх далучацца і іншыя краіны. Гішпанская газета El País лічыць, што права вета трэба адмяняць як мага хутчэй.
«Антыліберальныя ўрады Венгрыі і Польшчы кідаюць выклік Еўразвязу: яны парушаюць прынцып вяршэнства права, блакуюць праграму па падтрымцы кан’юнктуры Next Generation (Наступнае пакаленне), а Будапешт цягне гуму па пытанні аб далейшай дапамозе Украіне. Тым самым Варшава і Будапешт паралізуюць прыняцце мер, за якія выступаюць іншыя краіны супольнасці.Няма сэнсу прымаць у Еўразвяз новых сяброў і ў той жа самы час захоўваць такі інструмент як прынцып аднагалоснасці. На коне стаіць інтэграцыя, паколькі прыняцце ў свае шэрагі новых сябраў можа зрабіць Еўразвяз яшчэ больш непаваротлівым. Сёння ён не мае права ісці на кампрамісы, якія заўтра, магчыма, ужо і не зможа выконваць», – папярэджвае гішпанскае выданне.
Сышла адна з самых яркіх зорак сусветнай рок-музыкі і стылю соўл – Ціна Цёрнер. Яна памерла ў сераду ва ўзросце 83 гадоў пасля працяглай хваробы ў сваім доме ў горадзе Кюснахт, Швейцарыя. Аглядальнікі аддаюць даніну павагі таленту і сіле характару спявачкі. Як піша шведская газета Aftonbladet, Ціна Цёрнер была не проста выканаўцай, але нечым значна большым.
«Яна была жанчынай, якая ўвайшла ў наскрозь прасякнуты сэксізмам свет музыкі і адпаведна сутыкнулася ў ім з усім тым, што там можна сустрэць. Яе выкарыстоўвалі, яе здраджвалі. Але пры гэтым яна была спявачкай, якая пераўзыходзіла ўсіх мужчын вакол сябе. Яна была чарнаскурай спявачкай, якая пачала працаваць у вобласці, у якой панавалі прымхі і расізм. Калі вы лічыце, што папулярная культура не здольная выказваць сучаснасць і дазваляць рабіць высновы пра яе ці ж указваць на праблемы ў грамадстве, то вы, напэўна, проста не слухалі Ціны Цёрнер. Сапраўды гэтак жа яе песень напэўна не слухаў і той, хто мяркуе, што сацыяльная крытыка ў культуры павінна выяўляцца абавязкова ў форме памфлетаў ці лозунгаў», – адзначае шведскае выданне.
Агляд сусветнай прэсы падрыхтавала Вольга Сямашка
Artykuł Агляд прэсы: вырваць рычаг з рук pochodzi z serwisu БЕЛАРУСКАЕ РАДЫЁ РАЦЫЯ.