Завяршылася праверка па факце смерці Мікалая Клімовіча

Сваякам памерлага ў зняволенні палітвязня Мікалая Клімовіча паведамілі, што адбылася праверка па факце яго смерці 6 траўня ў віцебскай калоніі №3.

“Як і чакалася, ўся фармальная працэдура выканана”, – так каментуе сітуацыю адмыслоўца:

-Праверка праводзіцца заўсёды па любым факце смерці, незалежна ад прычын смерці. Але як правіла, яна праводзіцца вельмі фармальна. Вусна было сказана пра тое, што вінаватых асобаў не выяўлена, і прычына – ягоны стан здароўя. Калі сыходзіць з медыцынскай дакументацыі, то гэта прамы вынік яго агульнага стану здароўя.

Грамадскі актывіст, блогер з Пінску Мікалай Клімовіч у лютым быў пакараны годам зняволення за ўпадабанне ў сацыяльнай сетцы карыкатуры на кіраўніка краіны. Пінчук у ходзе следства і ў судовым працэсе дакументальна пацвердзіў, што мае сур’ёзныя праблемы з сэрцам, другую групу інваліднасці і перанесены інфаркт. Даводзіў, што без належнага нагляду медыкаў не перанясе і некалькі месяцаў у турме.

Беларускае Радыё Рацыя

Artykuł Завяршылася праверка па факце смерці Мікалая Клімовіча pochodzi z serwisu БЕЛАРУСКАЕ РАДЫЁ РАЦЫЯ.