Менскае „Дынама” адолела берасцейскае
На футбольным чэмпіянаце Беларусі сярод каманд вышэйшай лігі прайшлі стартавыя паядынкі 12-га тура.
Artykuł Менскае „Дынама” адолела берасцейскае pochodzi z serwisu БЕЛАРУСКАЕ РАДЫЁ РАЦЫЯ.
Менскія дынамаўцы ўпэўнена перамаглі берасцейцаў з лікам 4:1. Сталічная каманда набрала 28 ачкоў і працягвае захоўваць лідарства. Салігорскі „Шахцёр” перамог „Іслач” – 3:0.
***
На футбольным чэмпіянаце Беларусі сярод каманд вышэйшай лігі пройдуць стартавыя паядынкі 12-га тура.
Лідары першынства футбалісты менскага „Дынама”, якія прапускалі мінулы тур, прымуць на сваёй арэне берасцейскіх дынамаўцаў. Берасцейцы ў мінулы ўік-энд здабылі сваю другую вікторыю, адолеўшы на хатняй арэне ФК „Мінск” з лікам 1:0. Таксама сёння „Шахцёр” сустрэнецца ў Салігорску з „Іслаччу” з Мінскага раёна. На мінулым тыдні салігорскія футбалісты ў Жодзіне згулялі ўнічыю з „Тарпеда-БелАЗам” 1:1, а іх супернікі пацярпелі буйную паразу ў Маладзечне ад гарадзенскага „Нёмана” 0:3.
Заўтра „Нёман” прыме ў Гародні мазырскую „Славію”, футбалісты „Слуцка” згуляюць з наваполацкім „Нафтанам”, а ў Гарадзеі сустрэнуцца футбалісты „Мінска” і „Смаргоні”.
Футбалісты Італіі і Уругвая сталі фіналістамі маладзёжнага ЧС
У Аргенціне вызначыліся ўдзельнікі медальных паядынкаў маладзёжнага чэмпіянату свету (U-20). У першым паўфінальным матчы каманда Уругвая з цяжкасцю адолела ізраільцян – 1:0. Адзіны гол забіў Андэрсан Дуартэ, які вызначыўся на зыходзе гадзіны гульнявога часу. У фінале супернікам уругвайскай каманды будзе італьянская „маладзёжка”, якая перайграла зборную Рэспублікі Карэя з лікам 2:1. Адзін з мячоў забіў Чэзарэ Казадэі, які з сямю галамі ўзначальвае спіс лепшых бамбардзіраў гэтага турніру. У мінулыя гады уругвайцы двойчы станавіліся срэбранымі прызёрамі і адзін раз бралі бронзу, у актыве італьянцаў адзін бронзавы медаль.
Зак Сміт пакінуў „Мінск”
27-гадовы амерыканскі цэнтравы развітаўся з „Мінскам”. Супрацоўніцтва паміж баскетбалістам і кіраўніцтвам „цмокаў” спынена па пагадненні бакоў. У сезоне-2022/23 у Адзінай лізе ВТБ Зак правёў за каманду 21 гульню. Сярэдняя статыстыка цэнтравага: 9.9 ачка, 7.0 падбораў, 1.1 перадачы.
Тарас Елісееў заключыў кантракт з „Юнацтвам”
Абаронца Тарас Елісееў (1996) падпісаў кантракт з „Юнацтвам” на адзін сезон. У мінулым чэмпіянаце ён абараняў колеры аршанскага „Лакаматыва”. У сезоне-2022/23 у „Лакаматыве” ён згуляў 52 матчы і набраў 28 (6+22) ачкоў, стаўшы лепшым абаронцам-бамбардзірам каманды. У плэй-ін у яго актыве 3 (2+1) ачкі пры такой жа колькасці згуляных матчаў. У 5 матчах Кубка Салея ў яго 3 (1+2) выніковыя балы.
У Жлобіне стартаваў Кубак Беларусі па самба
Старшыня Беларускай федэрацыі самба Аляксандр Кобрусеў выказаў упэўненасць, што на Кубку будзе прыгожая і сумленная барацьба. Ён пажадаў спартоўцам, а іх каля 2 соцен, яркіх перамог.
Таксама камісія ацэньвае гатовасць пляцоўкі да правядзення ІІ Гульняў краін СНД.
Беларускае Радыё Рацыя
Artykuł Менскае „Дынама” адолела берасцейскае pochodzi z serwisu БЕЛАРУСКАЕ РАДЫЁ РАЦЫЯ.