Палітвязнямі прызналі яшчэ 15 чалавек

Беларуская праваабарончая супольнасць прызнала палітычнымі вязнямі яшчэ 15 чалавек, вынікае з сумеснай заявы на сайце праваабарончага цэнтра «Вясна».

Адпаведны статус атрымалі Анастасія Пер’яновіч, Ілля Дубак, Уладзімір Ганусевіч, Яўген Ціхановіч, Аляксей Мілеўскі, Марыя Камінская, Аляксандар Клімашэвіч, Андрэй Новік, Віктар Горбач, Алег Заяц (трансгендарны мужчына, паводле дакументаў Вольга), Дзмітры Чурыла, Ілля Акішаў, Аксана Лакоза. Гэта людзі, абвінавачаныя, змешчаныя пад варту альбо ўжо асуджаныя па крымінальным артыкуле «арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх”.

Палітвязнямі таксама прызнаныя Андрэй Навасельчан (арт. 342, а таксама арт. 368 — «абраза прэзідэнта» і арт. 369 — «абраза прадстаўніка ўлады») і Сяргей Іванцоў (арт. 342 і 3614 — «садзейнічанне экстрэмісцкай дзейнасці»). Паводле стану на 10 чэрвеня, праваабаронцы лічаць палітвязнямі ў Беларусі 1 495 чалавек.

Беларускае Радыё Рацыя

Artykuł Палітвязнямі прызналі яшчэ 15 чалавек pochodzi z serwisu БЕЛАРУСКАЕ РАДЫЁ РАЦЫЯ.