„Ракаў” узяў верх над „Арысам” Шпілеўскага
Польская каманда забіла па мячу ў кожным тайме.
Artykuł „Ракаў” узяў верх над „Арысам” Шпілеўскага pochodzi z serwisu БЕЛАРУСКАЕ РАДЫЁ РАЦЫЯ.
У першым матчы 3-га кваліфікацыйнага раунда Лігі чэмпіёнаў „Арыс” пад кіраўніцтвам Аляксея Шпілеўскага ў Чэнстахове пацярпеў паразу ад мясцовага „Ракува” – 1:2. Польская каманда забіла па мячу ў кожным тайме. На 7-й хвіліне лік адкрыў украінец Уладзіслаў Качэргін, а на 61-й ударам з пенальці яго падвоіў Фабіян Пясецкі. Пад заслону сустрэчы форвард кіпрскай каманды Міхлалі Маямбела адзін мяч адквітаў. Беларускі нападнік гасцей Арцём Шуманскі на гульню заяўлены не быў.
Team Ivulin разграміла «Вікторыю Зежань» і выйшла ў трэці кваліфікацыйны раўнд Кубка Польшчы
Беларуская аматарская каманда праекта Team Ivulin пад назвай «Пагоня» ў другім кваліфікацыйным раўндзе Кубка Польшчы разграміла «Вікторыю Зежань» – 5:0. У наступным раўндзе «Пагоня» згуляе з былой камандай Роберта Левандоўскага «Варсовіяй».
«Баварыя» прапануе за Кейна каля 110 мільёнаў еўра
«Баварыя» зробіць яшчэ адну прапанову па трансферу форварда «Тотэнхэма» Хары Кейна, паведамляе Sky Sport. Указана, што нямецкі клуб гатовы прапанаваць за гульца каля 110 мільёнаў еўра з улікам бонусаў.
«Баварыя» падтрымлівае кантакты з прадстаўнікамі «шпор». Раней паведамлялася, што Кейн хоча вызначыцца з будучыняй да канца тыдня і не зменіць клуб, калі пераход не адбудзецца да старту сезона ў АПЛ на гэтым тыдні. Наступным летам у Хары заканчваецца кантракт з «Тотэнхэмам».
Кубак Салея: «Брэст» абыграў «Ліду», «Нёман» выйграў у «Дынама-Маладзечна»,
Прайшлі чарговыя матчы Кубка Руслана Салея ў Групе «А». Хакейны клуб „Брэст” абыграў „Ліду” – 3:0, гарадзенскі „Нёман” быў мацней за „Дынама Маладзечна” – 4:1, сталічнае „Юнацтва” святкавала валявую перамогу над салігорскім „Шахцёрам” – 4:2.
Хакеісты менскага „Дынама” перамаглі „Металург” у кантрольным матчы
Хакеісты менскага „Дынама” ўпэўнена перамаглі магнітагорскі „Металург” у чарговым перадсезонным спарынгу – 6:3. Ужо пасля першага перыяду сустрэчы на лёдзе сталічнай „Алімпік-Арэны” гаспадары вялі 3:0. У пераможцаў галявы дубль аформіў Вадзім Мароз, па адной шайбе закінулі Аляксандр Волкаў, Раман Гарбуноў, Сяргей Кузняцоў і Цімафей Каўгарэня. Свой наступны матч падначаленыя Дзмітрыя Квартальнага правядуць 19 жніўня ў Менску супраць уладальніка Кубка Гагарына маскоўскага ЦСКА.
Крысціна Ціманоўская заявіла, што беларуская зборная засталася ў мінулым
Беларуская лёгкаатлетка Крысціна Ціманоўская ў інтэрв’ю «Нашай Ніве» пракаментавала атрыманне дазволу выступаць за зборную Польшчы. – Па-першае, я не лічу, што Беларусь засталася для мяне ў мінулым (яна была, ёсць і будзе) – у мінулым засталася беларуская зборная. Па-другое, адбылося гэта не цяпер, а два гады таму, менавіта таму ніякіх сумных думак не было. „Шчаслівая ўжо таму, што ў наступным сезоне я 100% буду выступаць на міжнародным узроўні – больш няма ніякіх перашкод”, – расказала Ціманоўская.
Беларускае Радыё Рацыя
Artykuł „Ракаў” узяў верх над „Арысам” Шпілеўскага pochodzi z serwisu БЕЛАРУСКАЕ РАДЫЁ РАЦЫЯ.