Аляксей Трубкін пра „беларускі некропаль” у Беластоку
Краязнавец Аляксей Трубкін даследуе беластоцкія могілкі, на якіх пахаваныя беларускія дзеячы.
Artykuł Аляксей Трубкін пра „беларускі некропаль” у Беластоку pochodzi z serwisu БЕЛАРУСКАЕ РАДЫЁ РАЦЫЯ.
Краязнавец Аляксей Трубкін даследуе беластоцкія могілкі, на якіх пахаваныя беларускія дзеячы. Напярэдадні Дзядоў ён распавёў, як знаходзіць сляды беларускай культуры ў Польшчы:
– Звесткі пра беларускія месцы, у тым ліку пра пахаванні беларускіх дзеячаў я пачаў збіраць больш за 10 гадоў таму. Большасць беларускіх дзеячаў пахаваныя на праваслаўных могілках Усіх Святых на Выгодзе. Я часта параўноўваю гэтыя могілкі з віленскімі „Росамі”. Выяўлена больш за дзясятак пахаванняў. Вядома, што гэта толькі невялікая частка. Калі ў памерлага застаецца сям’я, то яна сочыць і дбае пра месца пахавання. У адваротным выпадку, то інфармацыя пра чалавека губляецца. Месцы на могілках платныя, у прынцыпе, як і ва ўсёй Еўропе. З часам, калі на працягу некалькіх дзесяцігоддзяў помнік разбураецца, да яго ніхто не прыходзіць, ніхто не даглядае, то на гэтым месцы проста хаваюць іншую асобу. Такім чынам пахаванне губляецца і пасля яго знайсці амаль што немагчыма. Ёсць прыклады, калі ў іншых гарадах Еўропы знаходзілі месцы пахавання беларускіх дзеячаў, дзе ўжо былі пахаваныя іншыя людзі. Мы пачыналі шукаць беларускія пахаванні ад імя арганізацыі Беларуская Нацыянальная Памяць. Цяпер я раблю гэта прыватна, ладзім экскурсіі, розныя іншыя культурніцкага кшталту акцыі. У 2021 годзе ладзіліся Дзяды на гэтых могілках, з удзелам беларускай грамады. У мінулым годзе не рабілі. У гэтым годзе мы з сям’ёй і сябрамі ў прыватным парадку вырашылі пад’ехаць і наведаць гэтыя могілкі, дзе паставілі знічы.
Сярод знойдзеных могілак ёсць і „неразгаданыя”. Напрыклад зараз Аляксей Трубкін спрабуе высветліць лёс Лідзіі Лукашык, якая таксама пахавана на праваслаўных могілках. Гэта найстарэйшае пахаванне на могілках падпісанае на беларускай мове, якое выяўлена дагэтуль.
Беларускае Радыё Рацыя
Artykuł Аляксей Трубкін пра „беларускі некропаль” у Беластоку pochodzi z serwisu БЕЛАРУСКАЕ РАДЫЁ РАЦЫЯ.