У сталіцы Зімбабвэ ўвялі надзвычайнае становішча з-за эпідэміі халеры
Адзначаецца, што за апошнія 8 месяцаў у Зімбабвэ ад халеры памерлі 120 чалавек, колькасць хворых дасягнула 5 тыс.
Artykuł У сталіцы Зімбабвэ ўвялі надзвычайнае становішча з-за эпідэміі халеры pochodzi z serwisu БЕЛАРУСКАЕ РАДЫЁ РАЦЫЯ.
Улады зімбабвійскай сталіцы Харарэ ўвялі надзвычайнае становішча ў сувязі з эпідэміяй халеры. Пра гэта паведаміла зімбабвійская газета Newsday.
Па словах мэра Ірэна Маконі, эпідэмія халеры выкліканая «недахопам адэкватных запасаў пітной вады» ў сталіцы, з-за чаго людзі набіраюць яе ў «забруджаных свідравінах і студнях». Чыноўнік параўнаў бягучую сітуацыю з эпідэміяй 2008 года, калі ахвярамі халеры сталі больш за 4 тыс. жыхароў Зімбабвэ.
Адзначаецца, што за апошнія 8 месяцаў у Зімбабвэ ад халеры памерлі 120 чалавек, колькасць хворых дасягнула 5 тыс. Эпіцэнтрам успышкі хваробы стала размешчаная на ўсходзе Зімбабвэ правінцыя Манікаленд, якая мяжуе з Мазамбікам.
З вясны 2022 года ў Афрыцы на поўдзень ад Сахары рэгулярна адбываюцца ўспышкі халеры. Найбольшая колькасць хворых за гэты час — больш за 60 тыс. — было выяўлена ў Малаві.
17 лістапада, наведваючы ювелірны завод „Крышталь” у Гомелі, Аляксандр Лукашэнка заклікаў супрацоўнічаць з Зімбабвэ як з адной з асноўных дзяржаў па здабычы золата і алмазаў.
«Найбагацейшая краіна. Яны на нас моляцца. Будзем з імі супрацоўнічаць», – заявіў ён, піша «Беларусь сегодня».
Artykuł У сталіцы Зімбабвэ ўвялі надзвычайнае становішча з-за эпідэміі халеры pochodzi z serwisu БЕЛАРУСКАЕ РАДЫЁ РАЦЫЯ.