У Савіцкага, Зубовіча і яшчэ 18 гульцоў скончыліся кантракты з «Нёманам»
Вядома, што кыргызстанскі паўабаронца «Нёмана» Алімардон Шукураў пакіне клуб. Пра гэта паведамляе football.by.
У 20 гульцоў «Нёмана» скончыліся кантракты з клубам. У гэты спіс увайшлі між іншымі лідары каманды Павел Савіцкі і Ягор Зубовіч, а таксама Канстанцін Рудзянок, Іван Садаўнічы, Сяргей Карповіч, Аляксей Лягчылін, Андрэй Васільеў, Ягор Пархоменка, Аляксандр Анюкевіч, Андрэй Якімаў, Алімардон Шукураў, Міхаіл Казлоў, Юрый Паўлюкавец, Алег Еўдакімаў, Максім Яблонскі, Раман Папарыга, Максім Краўцоў, Уладзіслаў Варакса, Раман Грыбоўскі ды Марк Красноў.
Вядома, што кыргызстанскі паўабаронца «Нёмана» Алімардон Шукураў пакіне клуб. Пра гэта паведамляе football.by. Як перадае крыніца, футбалістам цікавяцца клубы з расейскага Д2. У гэтым сезоне Шукураў правёў 21 матч у вышэйшай лізе, забіў тры мячы. З леташняга складу кантракт з клубам маюць: Максім Бялоў, Кірыл Вейдыгер, Гулжыгіт Алыкулаў, Аляксей Дайнэка, Сяргей Гузарэвіч, Антон Сучкоў і Юрый Панця. Нагадаем, па выніках сезона каманда заняла другое месца ў чэмпіянаце Беларусі.
Зборная Беларусі па пляжным футболе перамагла ў першым спарынгу ў Санкт-Пецярбургу
Зборная Беларусі паспяхова правяла першы кантрольны паядынак на вучэбна-трэніровачным зборы ў Санкт-Пецярбургу. У гульні з маладзёжным складам васьміразовага чэмпіёна Расеі піцерскага “Крышталя” падначаленыя іспанскага настаўніка Нікаласа Альварада мелі перавагу і выйгралі з сухім лікам 7:0. Галявы дубль аформіў Павел Стаскевіч, па адным разе вызначыліся Іван Канстанцінаў, Алег Гапон, Юрый Пятроўскі, Мікіта Чайкоўскі і Яўген Новікаў. Наступны спарынг беларусы правядуць 16 снежня супраць маскоўскага ЦСКА.
Гандбалісткі “БНТУ-БелАЗа” спынілі серыю паразаў у гульнях чэмпіянату Беларусі
Гандбалісткі “БНТУ-БелАЗа” спынілі серыю няўдалых гульняў у жаночым чэмпіянаце Беларусі.
Пасля трох паразаў запар віцэ-чэмпіёнкі краіны абыгралі на сваёй арэне ў Менску “Гараднічанку” 34:29 і выйшлі на другое месца ў турнірнай табліцы, адарваўшыся ад гарадзенскай каманды на два ачкі. Лідары турніру гандбалісткі “Гомеля” таксама не пакінулі ніякіх шанцаў на поспех “Віцябчанцы”, выйграўшы з перавагай у 15 мячоў – 35:24. У Бабруйску мясцовая “Бярэзіна” апынулася мацней за берасцейскі клуб “Вікторыя-Бярэсце” – 33:30.
Гандбалісткі Швецыі і Даніі апошнімі выйшлі ў 1/2 фіналу Чэмпіяната свету
Зборныя Швецыі і Даніі сталі апошнімі паўфіналісткамі жаночага чэмпіянату свету па гандболе, які завяршаецца ў дацкім Хёрнінгу. Шведскія гандбалісткі святкавалі сваю сёмую вікторыю, упэўнена перайграўшы ў чвэрцьфінале каманду Германіі – 27:20. У паўфінале скандынаўская дружына згуляе з францужанкамі, якія таксама ідуць без страт, а ў чвэрцьфінале яны разграмілі чэшак – 33:22. У апошнім чвэрцьфінальным матчы гаспадыні заключнай часткі сусветнага першынства датчанкі з цяжкасцю адолелі чарнагорак з перавагай у два галы – 26:24. У барацьбе за выхад у фінал зборная Даніі сустрэнецца з дзейнымі чэмпіёнкамі планеты нарвежкамі, якія перамаглі нідэрландскіх спартовак з лікам 30:23.
Беларускае Радыё Рацыя