U Njemačkoj u oluji povrijeđena najmanje 21 osoba

U snažnom olujnom nevremenu koje je zahvatilo Njemačku povrijeđena je najmanje 21 osoba, dok su snažni udari vjetra i poplave takođe nanijele štete na sjeveru te zemlje.


Njemačka novinska agencija DPA navodi da su tri žene i četiri muškarca teže povrijeđeni na svadbi u pokrajini Meklenburg-Zapadna Pomeranija kada su na njih pale grane drveća. Jedna osoba je lakše povrijeđena.


Nedaleko od Berlina, 11 osoba je povrijeđeno kada je na goste na zabavi pala krošnja drveta koje su otkinuli snažni udari vjetra.


Prema podacima njemačke Meteorološke službe, u Berlinu je zabilježena brzina vjetra od oko 110 kilometara na čas.


Ulice njemačke prijestolnice nakratko su poplavljene, a nekoliko čamaca potonulo je u jezero Vanse.


Snažne padavine zahvatile su i grad Varenu na istoku Njemačke, gdje je za više od dva časa palo oko 35 litara kiše po metru kvadratnom.