Iела Мохьаммадна геч дан дагахь ву Трамп

Боксёрна Iела Мохьаммадна геч дан дагахь ву ша, иза арме ца воьдуш дуьхьал валарна аьлла, дIахьедар дина Iамеркан президенто Трамп Доналда, хаам бо ВВС-но. Амма, ма дарра аьлча, Iела геч дар оьшуш вац – цунна дина таIзар юхадаьккхина 1971-чу шарахь, яздо цу зорбанан гIирсо.


Iелица цхьаьна Трампа ша геч дан дагахь ву боху кхин "эзарнаш нахана". Буьйцурш муьлш бу ца дийцина Iамеркан президенто.


Iела Мохьаммадна хан кхайкхийра 1967-чу шарахь, тIом боьдучу Вьетнаме эскарехь гIуллакх дан вахарна дуьхьал валарна. Цо латкъам бира цу кхелан сацамна. 1971-чу шарахь иза юхабаьккхира.


Iела Мохьаммад велла 2016-чу шарахь Мангал-баттахь. Цуьнан дара 74 шо.