Соьлжа-ГIалахь марха даста гулбеллера махкара а, дозанал арахьара а нах

Оршотдийнахь Нохчийчоьнан коьртачу шахьарахь ифтар дIадаьхьира. Верриг а цигахь гулвелларг, болчу хаамашца, 20 эзар гергга стаг хилла. Марха даста шаннаш хIиттийнера регионерчу Кадыров Ахьмадан цIарахчу фондо. Ши эзар гергга могIа бинера коьртачу маьждигна хьалхарчу майданахь нахана юучух кхета охьахаа, Узбекистанера лерина кхайкхина балийначу говзанчаша плов кечдинера.


"Ифтарна кечам муха бо хьожуш, гIали юккъехула волавелира со, баркалла элира иза вовшахтоьхначарна", - аьлла, яздина мехкан куьйгалхочо ВКонтактерчу шен агIон тIехь.


Кадыровс бахарехь, ифтарехь бара луларчу республикашкара хьеший а цхьана.