ПIаьнказахь ца бахийтина "Ахмат - Сила!"
Нохчийчоьнан байракхашца а, Кадыров Ахьмадан суьрташца а кечйина, Оьрсийчоьнан лоьмаршца йолчу шина машено къепе йохийнера пIераскандийнахь ПIаьнказахь. Меттигерчу Iедалхоша спецназ кхайкхинера, дуьйцу Гуьржийчуьрчу зорбанаша.
Нохчий бехачу Дуисехь а, Биркианехь а гIоьртина хьал лаьттара. "Ахьмад – ницкъ бу" бохуш, машенчуьра маьхьарий а детташ, машенаш гучуйийларо дардинера шаьш аьлла бахархоша.
Машенаш тIера байракхаш а, Кадыровн портреташ схьадаьхна. Девнаш дийлина вовшашца, латарш хилла, дуьйцу телекомпанино.
Гуьржийчоьнан чоьхьарчу гIуллакхийн министралло спецназ хьажийна инцидент иккхинче, конфликт ерзо.