Зуламхойн хьалханча Гагиев Аслан Оьрсийчу дIахьажийна Австрин полицино
Кавказ.Реалиино дийцарехь, Гагиевна бехке дуьллуш ду иттаннаш нах байарехь дакъалацар, шайна юкъахь ницкъаллин структурийн белхахой а, лаккхара даржаш дIалоцуш хилла Iедалхой а, бевзаш болу совдегарш а болуш.
Масийтта шо хьалха къайлавала аьтто белира Гагиевн. 2014-чу шарахь ГIадужу-баттахь иза дуьненаюкъарчу лехаме веллера Оьрсийчоьно. 2015-чу шарахь Гагиев лецира Австрехь.
Венерчу аэропортехь Гагиев дIавелла Оьрсийчоьнан таIзарш кхочуш даран урхаллан а, Интерполан белхахошка.