Шемахь леллачу зудчунна бархI шо хан тоьхна
"Кхечу пачхьалкхан дозан тIехь гIаттамхойх дIакхетта хиллачу Соьлжа-ГIаларчу Хаджиева Залинина кху деношкахь Старопромыслан кIоштан кхело набахтехь даккха 8 шо туьйхи. Оцу зудчун кегий бераш хиларца кхел кхочушъяран гIуллакх цхьана ханна дIатеттина, жимахволчу кIентан 14 шо дуззалц", - аьлла, хаамбина "Кавказан узел" агенталле прокуратуран векало.
Кхело даредарца, 2013-чу шарахь Шема дIавахначу шен хIусамден дехарца Туркойчу дехьаелира Хаджиева, цул тIаьхьа Шемахь волчу шен майрчух дIа а кхеташ. Кхелахоша чIагIдарца, Иракъерчу а, Шемарчу а тобанашлахь лаьттина и зуда.
ХIусамда вийначул тIаьхьа, шен кхаа бераца даймахка юхайирзира Хаджиева, дийцина прокуратуран белхахочо.