Евробарт: Уггар дукха адамийн бакъонаш йохон меттигаш ю Нохчийчоь а, ГIирма а
Саццаза адамийн бакъонаш йохош йолчу пачхьалкхашна юкъахь Оьрсийчоь пхоьазза хьахийна Европан Бертан арахьарчу гIуллакхийн кхеташоно тIеэцначу резолюцехь.
Цу документана тIехь иштта юьйцуш ю Белорусси а, Китай а, ГIажарийчоь а, Бурунди а, Камбоджа а, СаIудийн Iаьрбийн Пачхьалкх а, Мьянма а, Венесуэла а, Къилба Судан а, Туркойчоь а, Зимбабве а.
Евробертана хетарехь, адамийн бакъонаш кхечу меттигашкахьчул а алсам кIоршаме йохош йолу меттигаш ю Нохчийчоь а, ГIирма а, Севатополь а, ткъа иштта Украинин "Iедалан Iуналлехь йоцу" цу мехкан малхбалера кIошташ а.