Нохчийн пенсионераш бу уггаре боккхачу эшамехь
Оьрсийчохь пенсионерашна баха уггаре хала регион ю Къилбаседа Кавказ, боху РИА-Новости агенталло хIоттийначу рейтинго. Ткъа иза хIоттош тидаме эцна баккхийчийн экономикера жигаралла, царна кхочу ахча, церан могашалла.
Регионийн тIаьххьарчу могIаршкахь ю Нохчийчоь – 78-чу меттехь. Цул кIеззиг хаьлха ю Кхарачой-Чергазийчоь – 74-гIа меттиг. Дагестан ю 54-чу меттехь. Кавказехь кхечарел гIолехьа беха Ставропол-махкара пенсионераш – 31-гIа меттиг кхаьчна царна Оьрсийчоьнан регионашлахь.
Пенсинерашна уггаре тоьлла хьал ду къахьега меттигаш хиларца а, церан Iуналла дарца а Москвахь а, Петарбухахь а.