Кадыровн маьхчин ловзарга гулбеллачаьргахь яцара масканаш

Нохчийчоьнан куьйгалхочун маьхчин Кадыров Абубакаран ловзаргахь вуно дукха хьеший хилла. Соьлжа-ГIалахь и барам вовшатоьхначара а, хьешаша а ца лелийна масканаш, ца латтийна вовшашна юкъахь дистанца.


Шен "Вконтакте" агIонехь яздина Кадыров Рамзана: "КадыровгIеран боккхачу доьзалехь бIаьрла, самукъане хилам бара. Зуда ялийна сан хьомечу маьхчас, Сийлахьчу Къуранан хафиза, хаза хиндерг долчу "Ахмат" клубан латархочо Кадыров Абубакара!"


Шен постах ловзаргара видео а йоьзна Кадыровс. Цу тIехь гуш бу дуккха а нах. Говраш йоьжначу фаэтонахь. Улле горберий а хIиттина, далош ду нускал, зезагаш ду кхуьйсуш гобаьккхина, детта герзаш. Амма яц гуш масканаш, лардеш дац махканна коронавирусан хьелашкахь хIиттийна лела хьелаш.


Кавказ.Реалиин редакцино дийхира Нохчийчоьнан администрацин а. Iедалан а куьйгалхочун гIовсе Умаров Жамболате Кадыровн видеона комментари яр. Амма шегахь информаци яц аьлла, жоп ца луш дитира цо хаттар.



Коронавирус рогIехь марсаяларца доьзна, адамашна цунах лардала декхаредина Нохчийчохь. Парламентан спикера Даудов Мохьмада омра дира, масканаш йоцчу нахера машенаш дIаяха, аьлла.
Официалан статистикаца, Гезгмашин-беттан 7-чу денна Нохчийчохь уьнах цомгуш хилларг ву 2 296 вахархо.