Մեքսիկայում տեղի ունեցած երկրաշարժի զոհերի թիվը գերազանցել է 300-ը
Մեքսիկայում սեպտեմբերի 19-ին տեղի ունեցած 7.1 մագնիտուդ ուժգնության երկրաշարժի հետևանքով զոհերի թիվը հասել է 318-ի:
Ինչպես հաղորդում է DW.com-ը, այս մասին հայտարարել է երկրի ներքին գործերի նախարարության քաղաքացիական պաշտպանության հանձնաժողովի ղեկավար Լուիս Ֆելիպե Պունտեն:
Պաշտոնական տվյալների համաձայն՝ երկրի կենտրոնական շրջանին հարվածած երկրաշարժը 180 մարդու կյանք է խլել մայրաքաղաք Մեխիկոյում, 73 մարդ մահացել է Մորելոս նահանգում, 45-ը՝ Պուեբլայում, 13-ը՝ Մեխիկո նահանգում, 6-ը՝ Գերերոյում և մեկը՝ Օախակայում: Որոնողափրկարարական աշխատանքները շարունակվում են:
Ինչպես նշում է աղբյուրը, տարերային աղետը տեղի է ունեցել 1985-ի երկրաշարժի տարելիցի օրը, որը 10 000 մարդու կյանք էր խլել:
Հիշեցնենք, որ օրեր շարունակ փրկարարները պայքարում էին մայրաքաղաքի դպրոցի փլատակների տակ գտնվող ողջ մնացած մարդկանց դուրս բերելու համար: