Թրամփը պատմության մեջ ամենախոշոր հարկերի կրճատման ծրագիրն է ներկայացրել
ԱՄՆ նախագահ Դոնալդ Թրամփը ներկայացրել է երկրի պատմության մեջ հարկերի ամենախոշոր կրճատման բարեփոխման ծրագիրը, հայտնել է նրա մամուլի քարտուղարը՝ USA Today-ի հաղորդմամբ:
«Փոքր և միջին բիզնեսի համար հարկային դրույքաչափն ամենացածրը կլինի 80 տարվա մեջ»,- ասել է Թրամփը՝ նշելով, որ հարկային նոր բարեփոխումը շատ քիչ օգուտ կբերի հարուստ ամերիկացիներին։
«Մենք կնվազեցնենք կորպորատիվ եկամտահարկն այլ զարգացած երկրների միջին ցուցանիշից ցածր։ Դա հեղափոխական վերակազմավորում է, որից ավելի կշահեն միջին դասի աշխատողները»,- հայտնել է ԱՄՆ նախագահը:
Ըստ նախնական ծրագրի՝ կորպորատիվ հարկը կարող է նվազեցվել 35 տոկոսից 20 տոկոսի։