«Հրապարակ». Հովհաննես Սահակյանը, հարյուր օրը դեռ չլրացած, կադրային ջարդ է սկսել
«Սոցիալական ապահովության պետական ծառայության նորանշանակ պետ, ՀՀԿ-ական նախկին պատգամավոր Հովհաննես Սահակյանը, հարյուր օրը դեռ չլրացած, կադրային ջարդ է սկսել։ Ասում են՝ նա ծառայությունը համալրում է երիտասարդ կադրերով, մեր տեղեկություններով՝ մարզային անակնկալ այցերից հետո թիրախավորել է նաև մի քանի մասնաճյուղերի պետերի, և մոտ օրերս նրանք պաշտոնանկ կարվեն։ Հովհաննես Սահակյանը չի ցանկանում այդ ազատումները կադրային ջարդ կոչել, սակայն մեզ հետ զրույցում խոստովանեց, որ որոշ մարդիկ ազատվել են աշխատանքից․ «Մենք ծառայություն մատուցող հիմնարկ ենք, և մեր շահառուներն են տատիկ-պապիկները, մեր ծնողները, որոնք թոշակի են անցնում։ Խնդիր ենք դրել ամեն ինչ անել որակյալ ծառայություն մատուցելու համար։ Կարող ուժերին կպահենք, իսկ ովքեր թերանում են աշխատանքում, բնականաբար՝ ազատվում են»։ Սահակյանը հայտնեց, որ խնդիր է դրվել արհեստական խոչընդոտներ չստեղծել թոշակի անցնելու գործընթացի կազմակերպման ընթացքում, ինչպես նաև ապօրինություններ թույլ չտալ»,-գրում է թերթը:
Նյութն ամբողջությամբ կարդացեք թերթի այսօրվա համարում: