ՌԴ ռմբակոծիչներն ավիահարվածներ են հասցրել ահաբեկիչների կառույցներին Դեյր Էլ Զորում. բոլոր թիրախները խոցված են
Ռուսական Տու-22Մ3 կործանիչներն ավիահարվածներ են հասցրել «Իսլամական պետություն» ահաբեկչական խմբավորման կառույցներին Սիրիայի Դեյր Էլ Զոր նահանգում:
Ինչպես հաղորդում է РИА Новости-ն՝ մեջբերելով ՌԴ պաշտպանության նախարարության հայտարարությունը, գրոհայինների դիրքերի ուղղությամբ հարված է հասցրել 6 ռմբակոծիչ: Ռմբակոծիչները օդ են բարձրացել Ռուսաստանի տարածքից և հատել են Իրանի ու Իրաքի տարածքները: Գրոհի նպատակները գրոհայինների հենակետերն են, ինչպես նաև զինամթերքի և զենքի պահեստները Զբու Քեմալ քաղաքի շրջանում:
Գերատեսչությունում հաստատել են բոլոր թիրախների հաջող ոչնչացումը: Ռմբակոծիչներին ուղղորդել են ռուսական Սու-30ՍՄ կործանիչները Խմեյմիմ ավիաբազայից: Հանձնարարությունն ավարտին հասցնելուց հետո օդանավերը վերադարձել են տեղակայման ավիաբազաներ:
Անցյալ շաբաթվա ընթացքում ՌԴ օդուժը Սիրիայում ավելի քան 360 թռիչք է իրականացրել և ահաբեկիչներին պատկանող ավելի քան 650 կառույց ոչնչացրել: