Մալավիում «վամպիրների որսորդները» 9 մարդու են դաժանաբար սպանել՝ վամպիր լինելու համար (տեսանյութ)
Զանգվածային իրարանցում է սկսվել Աֆրիկայի հարավարևելյան Մալավի պետության ներսում, որտեղ տարբեր պատմություններ են տարածվում մարդկանց արյունը խմող իրական վամպիրների գոյության մասին:
Ինչպես հաղորդում է Oddity Central-ը, խոսակցություններն այնքան շատ են տարածվել, որ տեղաբնակները վամպիրների որսորդների խմբեր են ստեղծել իրենց համայնքները պաշտպանելու համար:
Հաղորդվում է, որ սեպտեմբերի կեսերից ի վեր առնվազն 9 մարդու են դաժանաբար սպանել՝ վամպիր լինելու համար, որոնցից երկուսին՝ երկրի մեծությամբ երկրորդ քաղաքում՝ Բլանտայրում: Ոստիկանության տվյալներով՝ նրանցից երկուսին քարկոծելով են սպանել, մեկին էլ հրկիզել են:
Ոստիկանությունը ինքնադատաստան տեսնողների խմբից ավելի քան 140 մարդու է ձերբակալել:
Բացի այդ, վամպիրների որսորդները հարձակվում են բժիշկների վրա՝ մտածելով, որ նրանք մտադիր են խմել մարդկանց արյունն իրենց ստետոսկոպներով:
Մալավին աշխարհի ամենաաղքատ երկրներից է՝ կրթության ցածր մակարդակով, որեղ տարածված է հավատը կախարդության և նման երևույթների նկատմամբ: