«Երկաթե մարդը» ռեկորդային արագություն է սահմանել՝ գրանցվելով Գինեսի ռեկորդների գրքում (տեսանյութ)
Բրիտանական Gravity Industries ընկերության ղեկավար Ռիչարդ Բրաունինգը պաշտոնապես տեղ է գտել Գինեսի ռեկորդների գրքում՝ «Երկաթե մարդ» կոստյումի շնորհիվ զարգացնելով 51.5 կմ/ժամ արագություն: Այս մասին հայտնում է Sky News-ը:
Աղբյուրի հաղորդմամբ՝ Բրաունինգը թռիչք է իրականացրել Ռեդինգ քաղաքի Լագունա պարկում՝ 6 կերոսինային շարժիչով հագեցած կոստյումով: Արագության ռեկորդը հաջողվել է սահմանել երրորդ անգամից, և թռիչքի վերջում տղամարդն ընկել է լճի մեջ:
Նշվում է, որ «Երկաթե մարդու» կոստյումը թույլ է տալիս զարգացնել մի քանի կմ/ժամ արագություն, սակայն Գինեսի ռեկորդների գրքում գրանցվելու համար անհրաժեշտ է հատուկ պահանջներ կատարել, օրինակ՝ հորիզոնական գծով թռչել առնվազն 30 մետր: