Էրիկ Վարդանյան. Շատ ուրախ եմ Հայաստանի հավաքականում նորամուտիս և գոլիս համար
«Փյունիկի» 19-ամյա կիսապաշտպան Էրիկ Վարդանյանը Հայաստանի հավաքականում իր նորամուտը գոլով նշելուց հետո պատասխանել է լրագրողների հարցերին.
«Շատ լավ տպավորություններ ունեմ: Պետք է անցնենք առաջ, քանի որ վաղը Երիտասարդականի հավաքականի կազմում նույնպես խաղ ունեմ անցկացնելու: Պետք է մոռանամ և պատրաստվեմ այդ խաղին:
Ինձ համարում եմ Երիտասարդական հավաքականի խաղացող: Այնտեղ, ամենայն հավանականությամբ, ամբողջ հանդիպում կանցկացնեմ:
Շատ ուրախ եմ այս գոլի համար, բայց պետք է մոռանամ դրա մասին և պատրաստվեմ հաջորդ խաղին: Կփորձեմ խաղից խաղ ավելի լավ հանդես գալ: Գոլից հետո շատ լավ զգացողություններ ունեի»,- ասել է ֆուտբոլիստը լրագրողների հետ զրույցում:
Հիշեցնենք՝ Եվրոպայի երիտասարդական առաջնության ընտրական փուլի խաղում Հայաստանի Մ21 հավաքականը Երևանում կմրցի Ռուսաստանի իր հասակակիցների հետ: