Աշխարհում յուրաքանչյուր երրորդ կինը բռնության է ենթարկվում. ՄԱԿ
Յուրաքանչյուր երրորդ կինն աշխարհում ֆիզիկական կամ սեռական բռնության է ենթարկվում: Корреспондент-ի փոխանցմամբ՝ այս մասին հայտարարել է ՄԱԿ-ի գլխավոր քարտուղար Անտոնիու Գուտերիշը:
Ելույթ ունենալով Կանանց դեմ բռնության վերացման պայքարի միջազգային օրվան նվիրված միջոցառմանը՝ Գուտերիշը ներկայացրել է կանանց նկատմամբ բռնությունների վիճակագրությունը:
«Յուրաքանչյուր երրորդ կինն աշխարհում ֆիզիկական կամ սեռական բռնության է ենթարկվում այս կամ այն ձևով: 750 մլն աղջիկ ամուսնանում է մինչև 18 տարին լրանալը և ավելի քան 250 մլն-ը՝ սեռական օրգանների վիրահատության է ենթարկվում», - հայտարարել է ՄԱԿ-ի գլխավոր քարտւղարը:
Նա ընդգծել է, որ սեռական բռնությունը հատկապես տարածված է զինված հակամարտությունների գոտիներում: Նրա խոսքով՝ առավել ակնհայտ է դառնում կապը կանանց դեմ բռնության և ծայրահեղական գաղափարախոսության միջև: