Պայմանների բաելավումը, ներդրումները բերելու է ծնելիության կտրուկ աճի. Արտեմ Ասատրյան
Աշխատանքի և սոցիալական հարցերի նախարար Արտեմ Ասատրյանը այսօր լրագրողների հետ հանդիպման ժամանակ նշեց, որ գյուղական համայնքներում նախկինում ավելի շատ էին երեխաներ ունենում, քան նեկայումս, իսկ քաղաքում մի փոքր դրական միտում է նկատվում: Նա նշեց, որ գյուղական բնակավայրերի հետ կապված կա լրջագույն պոտենցյալ և խնդիրներ:
«Ուսումնասիրությունները, հետազոտությունները ցույց են տալիս, որ համապատասխան պայմանների բաելավումը, ներդրումները, աշխատատեղերի ստեղծումը բերելու է ծնելիության կտրուկ աճի և այդ ուղղությամբ աշխատանքներ ենք տանելու»-ասաց նա:
Հաջորդ խնդիրը նախարարը մատնանշեց բնակարանային ապահովության հարցը: «Բնակարանային ապահովության հետ կապված մատչելիության հնարավորության մեծացումը ևս բերելու է երեխաների ծնելիության աճին»-ասաց նա և կարևորեց ընտանիքներում եկամուտների ապահովման, կամ ծախսերի նվազմանը խնդիրը:
«Միգրացիոն հոսքերի մեծ մասը աշխատանքի և աշխատավարձի նպատակով է լինում և այս առումով առարկայական քայլերը բերելու է ներհոսքի»,-ասաց նա և վստահեցրեց, որ եթե բոլոր նախանշված ծրագրերը իրականացնեն, մարդկանց մոտ առաջացնելու է վստահություն:
Անդրադառնալով ծերացող հասարակության լինելու խնդրին Արտեմ Ասատրյանն ասաց, որ այդ առումով շատ կարևոր ուղղություն է առողջապահական ծառայությունները և տարեց անձանց հնարավորինս շատ աշխատաշուկայում պահելը:
Ինչ վերաբերում է օպտիմալացման արդյունքում գործազուրկ դարձող քաղաքացիներին նախարարն ասաց, որ նախարարություն ունի տարբեր զբաղվածություն ապահովող ծրագրեր, որոնք աջակցում են աշխատանք գտնելու հարցում: «Աշխատաշուկայում անհամամասնություն գոյություն ունի առաջարկի և պահանջարկի հետ կապված»,-նկատեց նա: