Սանկտ Պետերբուրգում ձերբակալել են ահաբեկչություն նախապատրաստող ԻՊ-ի կողմնակիցներից մեկին
Սանկտ Պետերբուրգի շրջանային դատարանը ձերբակալել է Տաջիկստանի քաղաքացի Ումար Մահմադիևին, որը ծրագրել էր անցնել «Իսլամական պետություն» ահաբեկչական խմբավորման շարքերն Աֆղանստանում կամ ահաբեկչություն իրականացնել Պետերբուրգում: Այս մասին հայտնում է Gazeta.ru-ն՝ մեջբերելով դատարանի մամլո հաղորդագրությունը:
«Մահմադիևը մտադիր էր ներթափանցել Աֆղանստան՝ «Իսամական պետություն» խմբավորման շարքերն անցնելու համար: Եթե նրան չհաջողվեր իրագործել իր ծրագրերը, նա նախատեսում էր քաղաքում ահաբեկչական գործողություններ իրականացնել ԻՊ-ի անունից», - ասել է մամլո քարտուղարը:
Ավելի վաղ Ստավրոպոլում ոստիկանական արշավի ընթացքում երեք գրոհայինի են վնասազերծել: