Ավստրիայի կանցլերը հույս է հայտնել, որ Brexit-ի գործընթացը չեղարկելու հնարավորություն կա
Ավստրիայի դաշնային կանցլեր Քրիստիան Կերնը հույս է հայտնել, որ Brexit-ի՝ Եվրոպական Միությունից Մեծ Բրիտանիայի առանձնանալու, գործընթացը չեղարկելու հնարավորություն կա: Այս մասին նա ասել է լրագրողներին` Բրյուսելում ԵՄ գագաթնաժողովին ժամանելիս:
«Հույս ունեմ, որ Brexit-ը կարող է չեղարկվել, քանի որ շատ մեծ հարցեր և մարտահրավերներ կլինեն, որոնք բարդ է լուծել: Մեծ Բրիտանիայի ներքին քաղաքական ոլորտում մեծ լարվածություն կլինի», - պատասխանել է նա Brexit-ի ուշացման կամ չեղարկման հնարավորության մասին հարցին:
Քերնը, պատասխանելով այն հարցին, թե որքանով է դա իրատեսական, ասել է, որ չգիտի: