Ուկրաինան համաշխարհային ռեկորդ է սահմանել խնդրահարույց վարկերի առումով
Ուկրաինայի բանկային համակարգը 2017թ. համաշխարհային ռեկորդ է սահմանել խնդրահարույց վարկերի առումով. այս մասին հայտնել է երկրի Ազգային բանկի ֆինանսական կայունության վարչության ղեկավար Վիտալի Վավրիշչուկը:
«Մենք տնտեսության համար ծախսատար ու տհաճ ռեկորդ ենք սահմանել. Ուկրաինայում արձանագրվել է համաշխարհային դիտարկման պատմության մեջ չաշխատող վարկերի ամենաբարձր մակարդակը»,-ասել է պաշտոնյան:
Աղբյուրը մանրամասնում է, որ հուլիսին խնդրահարույց վարկերի մասնաբաժնի ցուցանիշը հասել էր ամենաբարձր կետին՝ 58%-ին, իսկ հետո սկսել էր աստիճանաբար իջնել:
Հայտնի է, որ Արժույթի միջազգային հիմնադրամում գործում է Ուկրիանայի օգնության քառամյա ծրագիր, որի շրջանակում երկրին պետք է 17.5 մլրդ դոլար հատկացվի:
Ուկրաինայի Ազգային բանկն ակնկալում է, որ ԱՄՀ-ն հերթական փոխանցումը կանի 2018թ. առաջին եռամսյակում: Հատկանշական է, որ 2017թ. երկիրը կառույցին վճարել է շատ ավելի մեծ գումար, քան դրանից ստացել է: