Թայլանդում տիրոջ դաժանությունների հետևանքով թաթերից զրկված շունը կրկին կարողանում է քայլել (լուսանկարներ, տեսանյութ)
Թայլանդի մայրաքաղաք Բանգկոկում Կոլա անունով շունը, որին տերը դաժան պատժի է ենթարկել, ժամանակակից պրոթեզների շնորհիվ կրկին կարողանում է քայլել: Այս մասին հայտնում է Life-ը:
Աղբյուրի հաղորդմամբ՝ մի քանի տարի առաջ Կոլայի տերը սրով կտրել է նրա դիմացի թաթերն այն պատճառով, որ կենդանին ծամել է իր կոշիկները:
Նշվում է, որ Կոլային փրկել է Թայլանդում ապրող շներին օգնող Soi Dog հիմնադրամի հիմնադիր Ջոն Դալլին: Այժմ շունը ժամանակակից պրոթեզների շնորհիվ կարողանում է քայլել և նույնիսկ վազել ու խաղալ Դալլիի փրկած մյուս շների հետ:
«Իսկապես զարմանալի է՝ ինչ հեշտությամբ են շները հարմարվում և ինչպես են կարողանում ներել», - ասել է Ջոն Դալլին: